കൊച്ചി: കരുവന്നൂര് കള്ളപ്പണമിടപാട് കേസില് സിപിഎം സംസ്ഥാന സെക്രട്ടേറിയറ്റ് അംഗം പി.കെ. ബിജുവിനെ എന്ഫോഴ്സ്മെന്റ് ഡയറക്ടറേറ്റ് (ഇഡി) വീണ്ടും ചോദ്യം ചെയ്യാനാരംഭിച്ചു.
രണ്ട് ദിവസം 15 മണിക്കൂറിലേറെ ഇ.ഡി. ബിജുവിനെ ചോദ്യം ചെയ്തിരുന്നു. ഇത് മൂന്നാം തവണയാണ് ബിജുവിനെ ഇഡി ചോദ്യം ചെയ്യുന്നത്.
കരുവന്നൂര് തട്ടിപ്പിലെ മുഖ്യപ്രതി സതീഷ്കുമാര് നല്കിയ മൊഴിയുമായി ബന്ധപ്പെട്ട വിവരങ്ങളാണ് പി.കെ. ബിജുവിനോട് ആരായുന്നത്. സതീഷ്കുമാര് ബിജുവിന് അഞ്ച് ലക്ഷം രൂപ നല്കിയതായി സിപിഎം കൗണ്സിലര് പി.ആര് അരവിന്ദാക്ഷന് മൊഴി നല്കിയിരുന്നു.