പത്തനംതിട്ട: മൗണ്ട് സിയോണ് ലോ കോളജില് നിയമവിദ്യാര്ഥിനിയെ മര്ദിച്ച കേസില് ഡിവൈഎഫ്ഐ നേതാവ് ജെയ്സണ് ജോസഫ് കീഴടങ്ങി. രാവിലെ പത്തനംതിട്ട ഡിവൈഎസ്പി ഓഫീസിലെത്തിയാണ് ഇയാള് കീഴടങ്ങിയത്.
സുപ്രീംകോടതി ഉള്പ്പെടെ ജാമ്യാപേക്ഷ തള്ളിയിട്ടും ജെയ്സനെ അറസ്റ്റ് ചെയ്യാത്തതിനെതിരേ കടുത്ത വിമര്ശനമുയര്ന്നിരുന്നു. കഴിഞ്ഞ ഡിസംബറിലാണ് ജെയ്സണ് മര്ദിച്ചെന്ന് കാട്ടി വിദ്യാര്ഥിനി ആറന്മുള പോലീസില് പരാതി നല്കിയത്. എന്നാല് പോലീസ് കേസെടുത്തിരുന്നില്ല.
പിന്നീട് യൂത്ത് കോണ്ഗ്രസ് പ്രവര്ത്തകര് സ്റ്റേഷന് മുന്നില് കുത്തിയിരുപ്പ് സമരം നടത്തിയതിന് പിന്നാലെയാണ് കേസെടുക്കാന് പോലീസ് തയാറായത്. ഇതിന് പിന്നാലെ പരാതിക്കാരിക്കും പ്രതിഷേധിച്ച യൂത്ത് കേണ്ഗ്രസ് പ്രവര്ത്തകര്ക്കുമെതിരെയും പോലീസ് കേസെടുത്തു. എന്നാല് ഇവര്ക്ക് പിന്നീട് ജില്ലാ കോടതിയില്നിന്ന് ജാമ്യം കിട്ടുകയായിരുന്നു.