അടിമാലി: മൂന്നാറിൽ എസ്റ്റേറ്റ് ലയങ്ങളിൽ വീണ്ടും തീപിടുത്തം. ലയങ്ങൾ കത്തി അമർന്നു. മൂന്നാർ നെറ്റികുടി സെൻട്രൽ ഡിവിഷനിലാണ് തിങ്കളാഴ്ച പുലർച്ച 4 . 30ന് തീ പടർന്ന് പിടിച്ചത്. 11 വീടുകൾ കത്തിയമർന്നു. തീ പടരുന്നത് കണ്ട് എല്ലാവരും ഓടി രക്ഷപ്പെട്ടു. എന്നാൽ വീട്ടുപകരണങ്ങൾ ഉൾപ്പെടെ എല്ലാ സാധനങ്ങളും കത്തി നശിച്ചു.
കെട്ടിടങ്ങളും നശിച്ചു. ഈ വർഷം മൂന്നാം പ്രാവശ്യമാണ് മൂന്നാറിൽ എസ്റ്റേറ്റ് ലയങ്ങളിൽ തീ പടരുന്നത്. ചരിത്രത്തിൽ ഏറ്റവും കൂടുതൽ വേനൽ ചൂട് അനുഭവപ്പെടുന്ന മൂന്നാറിൽ പുൽമേടുകളും മറ്റും കരിഞ്ഞുണങ്ങി. വരയാടുകളുടെ സംരക്ഷണ കേന്ദ്രമായ രാജമലയിൽ കാട്ടുതീക്കെതിരെവനം വകുപ്പ് അതീവ ജാഗ്രത തുടരുകയാണ്.