കോഴിക്കോട്: പുഴയില് കുളിക്കാനിറങ്ങിയ ബിഡിഎസ് വിദ്യാര്ഥി മുങ്ങി മരിച്ചു. പോണ്ടിച്ചേരി സ്വദേശി ഗൗഷിക് ദേവ് (22) ആണ് മരിച്ചത്. ജാനകിക്കാട് ടൂറിസം സെന്ററിന് സമീപം ചവറംമൂഴി നീര്പാലത്തിനടുത്ത് പുഴയില് കുളിക്കാനിറങ്ങിയപ്പോഴാണ് അപകടമുണ്ടായത്.വെള്ളിയാഴ്ച വൈകിട്ട് നാലിനാണ് സംഭവം. മാഹിയിലെ ഡെന്റല് കോളജില് പഠിക്കുന്ന ബിഡിഎസ് നാലാം വര്ഷ വിദ്യാര്ഥികളായ ഏഴ് പേരടങ്ങുന്ന സംഘമാണ് പ്രദേശത്ത് വിനോദയാത്രയ്ക്കെത്തിയത്. കയമുള്ള ഭാഗത്ത് ഗൗഷിക് ദേവ് മുങ്ങിപോകുകയായിരുന്നു.