തൃശൂര്‍: പാലപ്പിള്ളി കുണ്ടായിയില്‍ പുലിയിറങ്ങി പശുവിനെ കടിച്ചുകൊന്നു. കുണ്ടായി കൊല്ലേരി കുഞ്ഞുമുഹമ്മദിന്‍റെ പശുവിനെയാണ് പുലി ആക്രമിച്ചത്. രണ്ടാഴ്ച മുമ്പ് പുലിയുടെ ആക്രമണത്തില്‍ പരിക്കേറ്റ പശുവിനെയാണ് കൊന്നത്.രാവിലെ ഒമ്പതോടെ വീട്ടുകാര്‍ വെള്ളം കൊടുക്കാന്‍ എത്തിയപ്പോഴാണ് തോട്ടത്തില്‍ പശുവിന്‍റെ ജഡം കണ്ടെത്തിയത്. വനം വകുപ്പ് അധികൃതര്‍ സ്ഥലത്തെത്തി പരിശോധന നടത്തി. പശുവിനെ ആക്രമിച്ചത് പുലി തന്നെയാണെന്ന് വനംവകുപ്പ് സ്ഥിരീകരിച്ചിട്ടുണ്ട്
