കൊച്ചി: തൃപ്പൂണിത്തുറ പടക്കശാലയിലുണ്ടായ സ്‌ഫോടനത്തില്‍ കേസെടുത്ത് പോലീസ്. പുതിയകാവ് ക്ഷേത്രോത്സവത്തിന്‍റെ നടത്തിപ്പുകാരായ വടക്കുംപുറം കരയോഗത്തിലെയും തെക്കുംപുറം കരയോഗത്തിലെയും അമ്പല കമ്മിറ്റി ഭാരവാഹികള്‍ക്കെതിരെയാണ് തൃപ്പൂണിത്തുറ പോലീസ് കേസെടുത്തത്.
മനപ്പൂര്‍വം അല്ലാത്ത നരഹത്യാവകുപ്പ് ചുമത്തിയാണ് കേസ്. സംഭവത്തില്‍ നാല് പേരെ പോലീസ് കസ്റ്റഡിയിലെടുത്തിട്ടുണ്ട്. ഇവരെ ചോദ്യം ചെയ്ത് വരികയാണ്.കേസിലെ പ്രധാന പ്രതികളായ കരാറുകാരും ജോലിക്കാരും പരിക്കേറ്റ് ചികിത്സയിലാണ്. അമ്പലകമ്മിറ്റി ഭാരവാഹികള്‍ ഒളിവിലുമാണ്
