കൊച്ചി: കര്ണാടകയിൽവച്ച് വീണ്ടും അപകടമുണ്ടാക്കി “കല്ലട’ ബസ്. ഗുണ്ടല്പേട്ടില് വെച്ച് മലയാളിയുടെ പിക്ക് അപ്പ് വാഹനം ഇടിച്ചുതെറിപ്പിച്ചു.
ഗുണ്ടല്പേട്ട് ചെക്പോസ്റ്റില് നിര്ത്തിയിട്ടിരുന്ന കൊച്ചിയിലെ ആല്ഫ ഒമേഗ സ്ഥാപനത്തിന്റെ പിക്ക് അപ്പ് വാഹനം ബസ് ഇടിച്ചുതെറിപ്പിക്കുകയായിരുന്നു. അപകടത്തിൽ പിക്ക് അപ്പ് വാനിന്റെ ഡ്രൈവര് ഉള്പ്പെടെ രണ്ട് മലയാളികള്ക്ക് പരിക്കേറ്റു.ഇവരെ ആശുപത്രിയില് എത്തിക്കാന് പോലും കല്ലട ബസിന്റെ ജീവനക്കാര് തയാറായില്ലെന്നും ആരോപണമുണ്ട്. നിലവില് രണ്ട് വാഹനങ്ങളും ഗുണ്ടല്പേട്ട് പൊലീസ് സ്റ്റേഷനിലാണ്.