ന്യൂ‍‍‍ഡൽഹി: രാജ്യസഭയിൽ കേരളത്തിൽനിന്നുള്ള എംപിമാർ സത്യപ്രതിജ്ഞ ചെയ്തു. രാവിലെ 11ന് മുസ്‌ലിം ലീഗിൽ നിന്നുള്ള ഹാരിസ് ബീരാനാണ് ആദ്യം സത്യപ്രതിജ്ഞ ചെയ്തത്. രണ്ടാമതായി കേരള കോൺഗ്രസ്-എം ചെയർമാൻ ജോസ് കെ.മാണിയും മൂന്നാമതായി സിപിഐ അംഗം പി.പി. സുനീറും സത്യപ്രതിജ്ഞ ചെയ്തു.രാജ്യസഭയിൽ കേരളത്തിൽനിന്ന് ആകെ ഒൻപത് എംപിമാരാണുള്ളത്.
ഹാരിസ് ബീരാനും ജോസ് കെ.മാണിയും ഇംഗ്ലീഷിലും പി.പി. സുനീർ മലയാളത്തിലുമാണ് സത്യപ്രതിജ്ഞ ചൊല്ലിയത്. മൂന്നു പേരും എതിരില്ലാതെയാണ് രാജ്യസഭയിലേക്ക് തിരഞ്ഞെടുക്കപ്പെട്ടത്.
