കോഴിക്കോട് : കൊടുവള്ളിയില് പ്രവര്ത്തിക്കുന്ന ട്യൂഷന് സെന്ററിനെതിരേ പരാതിയുമായി കുട്ടികളുടെ രക്ഷിതാക്കള് പോലീസിനെ സമീപിച്ചു.ട്യൂഷന് സെന്ററിലെ പ്രിന്സിപ്പലിനും ഇവിടെ പഠിപ്പിക്കുന്ന മറ്റൊരു അധ്യാപകനുമെതിരേയാണ് കൊടുവള്ളി പോലീസില് പരാതി നല്കിയിരിക്കുന്നത്. പത്താം ക്ലാസ് വിദ്യാര്ഥിനികളായ മൂന്ന് പേരെ വടികള് കൂട്ടിക്കെട്ടി മര്ദിച്ചുവെന്നാണ് പരാതി. കുട്ടികളെ രക്ഷിതാക്കള് പിന്നീട് കൊടുവള്ളിയിലെ സ്വകാര്യ ആശുപത്രിയില് പ്രവേശിപ്പിച്ചു.അധ്യാപകരുടെ മർദ്ദനത്തിനെതിരേ ചൈല്ഡ് ലൈന് ഉള്പ്പെടെയുള്ള സ്ഥാപനങ്ങളില് പരാതി നല്കുമെന്ന് രക്ഷിതാക്കള് പറഞ്ഞു. സംഭവത്തിൽ കേസെടുത്ത പോലീസ് അന്വേഷണം ആരംഭിച്ചു.