തലശ്ശേരി: കായിക പരിശീലനത്തിനെത്തിയ പതിനാലുകാരിയെ പീഡിപ്പിക്കാൻ ശ്രമിച്ച കേസിൽ തലശ്ശേരി സ്റ്റേഡിയം കെയർ ടേക്കർ അറസ്റ്റിലായി. തലശ്ശേരി ചിറക്കര ലോട്ടസ് ഓഡിറ്റോറിയത്തിന് സമീപം ഇർഷറിൽ എ.കെ. റാഹിദിനെയാണ് (39) പൊലീസ് അറസ്റ്റുചെയ്തത്.
സ്‌റ്റേഡിയത്തിൽ കായിക പരിശീലനത്തിനെത്തിയ പെൺകുട്ടിയെ പല ദിവസങ്ങളിലായി ഉപദ്രവിക്കാൻ ശ്രമിച്ചുവെന്നാണ് പരാതി. പ്രതിയെ ജനറൽ ആശുപത്രിയിലെ വൈദ്യപരിശോധനക്ക് ശേഷം തലശ്ശേരി ജുഡീഷ്യൽ ഒന്നാംക്ലാസ്‌ മജിസ്‌ട്രേറ്റ് കോടതിയിൽ ഹാജരാക്കി റിമാൻഡ്‌ ചെയ്‌തു.
