കൊച്ചി: മസാല ബോണ്ടിലെ ഫെമ നിയമ ലംഘനം പരിശോധിക്കുന്ന ഇഡി സമന്സ് ചോദ്യം ചെയ്തുള്ള ഹര്ജികള് ഹൈക്കോടതി ഇന്ന് പരിഗണിക്കും. മുന് ധനകാര്യമന്ത്രിയും പത്തനംതിട്ട ലോക്സഭാ എൽഡിഎഫ് സ്ഥാനാര്ഥിയുമായ ഡോ. ടി.എം. തോമസ് ഐസക്കും കിഫ്ബിയും നല്കിയ ഹര്ജികളാണ് ഹൈക്കോടതി പരിഗണിക്കുക.
പുതിയ സമന്സ് അയച്ചതില് ഇഡി ഹൈക്കോടതിയില് വിശദീകരണം നല്കിയേക്കും. പുതിയ നോട്ടീസ് അയച്ചതില് വിശദീകരണം നല്കാന് കഴിഞ്ഞദിവസം ഹൈക്കോടതി ഇഡിയോട് ആവശ്യപ്പെട്ടിരുന്നു. കിഫ്ബി നല്കിയ രേഖകളുടെ അടിസ്ഥാനത്തിലാണ് പുതിയ സമന്സ് എന്നായിരുന്നു ഇഡിയുടെ പ്രാഥമിക വിശദീകരണം.