കാഞ്ഞിരപ്പള്ളി: മൈക്ക സ്കൂളില് രൂപീകരിച്ച വോളിബോൾ അക്കാദമിയുടെയും സ്കൂള് വളപ്പില് നിര്മിച്ച മിനി സ്റ്റേഡിയത്തിന്റെയും ഉദ്ഘാടനം ഇന്നു വൈകുന്നേരം അഞ്ചിനു സംസ്ഥാന സ്പോര്ട്സ് കൗണ്സില് പ്രസിഡന്റ് വി.യു. ഷറഫലി നിർവഹിക്കും. തുടര്ന്ന് ഈരാറ്റുപേട്ട സെന്റ് ജോര്ജും കോഴഞ്ചേരി സെന്റ് പീറ്റേഴ്സും (പുരുഷ വിഭാഗം) ചങ്ങനാശേരി അസംപ്ഷനും കോട്ടയം സിക്സസും (വനിതാ വിഭാഗം) പങ്കെടുക്കുന്ന പ്രദര്ശന വോളിബോൾ മത്സരം നടക്കും.
20 ലക്ഷത്തോളം രൂപ ചെലവില് ആധുനിക സംവിധാനങ്ങളുള്ള വോളിബോള് കോര്ട്ടും ഗാലറിയുമാണു നിര്മിച്ചത്. മുന് ദേശീയ വോളിബോള് താരം പൈനാപ്പള്ളിയില് പി.എസ്. അബ്ദുൾ റസാഖാണ് പരിശീലകന്. പുരുഷന്മാര്ക്കും വനിതകള്ക്കും പരിശീലനം നല്കും.മികച്ച താരങ്ങളെ സൃഷ്ടിക്കുക, യുവാക്കള്ക്ക് ശാരീരിക പരിശീലനം നല്കുക എന്നിവയാണു ലക്ഷ്യമെന്ന് അക്കാദമി ഭാരവാഹികളായ മുന് ദേശീയ താരം പി.എസ്. അബ്ദുൾ റസാഖ്, മൈക്ക സെക്രട്ടറി റഫീഖ് ഇസ്മായില് മൈക്ക ട്രഷറര് ഷംസുദീന് തോട്ടത്തില്, അന്സാരി മംഗലത്തുകരോട്ട് എന്നിവര് പത്രസമ്മേളനത്തില് അറിയിച്ചു.