മലപ്പുറം: പൂക്കോട്ടുംപാടത്ത് പോക്സോ കേസില് വനംവകുപ്പ് ഉദ്യോഗസ്ഥന് പിടിയില്. കവളമുക്കട്ട ബീറ്റ് ഫോറസ്റ്റ് ഓഫീസര് ഷിഹാന് ആണ് പിടിയിലായത്.മൂന്ന് പെണ്കുട്ടികളുടെ പരാതിയിലാണ് പൂക്കോട്ടുംപാടം പോലീസ് ഇയാളെ കസ്റ്റഡിയിലെടുത്തത്. മൂന്ന് കേസുകളാണ് ഇയാള്ക്കെതിരേ രജിസ്റ്റര് ചെയ്തിരിക്കുന്നത്.
തിങ്കളാഴ്ചയാണ് കേസിനാസ്പദമായ സംഭവം. പെണ്കുട്ടികളെ പിന്തുടര്ന്ന് ഉപദ്രവിച്ചെന്നാണ് പരാതി. ബസില് ഇവരുടെ കൂടെ കയറിയ ഇയാള് വാഹനത്തിനുള്ളില്വച്ചും പിന്നീട് പുറത്ത് ഇറങ്ങിയ ശേഷം പിന്തുടര്ന്ന് ശല്യം തുടര്ന്നെന്നുമാണ് പരാതി.കുട്ടികള് ഇയാളെ തിരിച്ചറിഞ്ഞ ശേഷമാകും പോലീസ് അറസ്റ്റ് രേഖപ്പെടുത്തുക.