തിരുവനന്തപുരം: കേരള പത്രപ്രവർത്തക യൂണിയൻ തുടക്കമിട്ട സ്വപ്ന പദ്ധതിയായ പത്രപ്രവർത്തക ക്ഷേമ പദ്ധതി അടക്കം ക്ഷേമ പരിപാടികൾക്ക് ബജറ്റിൽ പിന്തുണയും സഹകരണവും ഉറപ്പ് നൽകിയ മുഖ്യമന്ത്രി വി.ഡി. സതീശന്റെ പ്രഖ്യാപനം ശ്ലാഘനീയമാണ്. കഴിഞ്ഞ വർഷം ക്ഷേമ പദ്ധതി പ്രഖ്യാപനം നടത്തി പറഞ്ഞ നല്ല വാക്കുകൾ മനസ്സിൽവെച്ചു തന്നെയാണ് മുഖ്യമന്ത്രിയുടെ ബജറ്റ് പ്രസംഗമെന്നത് അഭിമാനകരമാണ്. ബജറ്റ് പ്രഖ്യാപനം വലിയ ആത്മവിശ്വാസമാണു യൂണിയനു നൽകുന്നത്. മുഖ്യമന്ത്രിക്കും കേരള സർക്കാറിനും മാധ്യമപ്രവർത്തകരുടെ അഭിവാദ്യം അറിയിക്കുന്നു.പെൻഷൻ പദ്ധതി വിപുലീകരണം, പെൻഷൻ വർധന, ആരോഗ്യ പരിരക്ഷാ പദ്ധതി വിഹിത വർധന തുടങ്ങിയ കാര്യങ്ങളിൽ സർക്കാർ ഭാഗത്തുനിന്ന് കൂടുതൽ മെച്ചപ്പെട്ട പരിഗണനകൾ കേരളത്തിലെ മാധ്യമസമൂഹം പ്രതീക്ഷിക്കുന്നുണ്ട്. ബജറ്റ് ചർച്ചക്കുള്ള മറുപടിയിൽ ഈ വിഷയങ്ങളിൽ അനുഭാവപൂർണമായ നടപടി മുഖ്യമന്ത്രിയുടെ ഭാഗത്തുനിന്ന് ഉണ്ടാവണമെന്ന് യൂണിയൻ പ്രസിഡന്റ് കെ.പി. റജിയും ജനറൽ സെക്രട്ടറി സുരേഷ് എടപ്പാളും അഭ്യർഥിച്ചു
