തിരുവനന്തപുരം 22 മെയ് 2026
19-ാമത് ദേശീയ തല റോസ്ഗർ മേളയുടെ ഭാഗമായി ദക്ഷിണ റെയിൽവേയുടെ തിരുവനന്തപുരം ഡിവിഷൻ സംഘടിപ്പിക്കുന്ന തൊഴിൽമേളയിൽ, കേന്ദ്ര പെട്രോളിയം & പ്രകൃതിവാതക, ടൂറിസം സഹമന്ത്രി ശ്രീ സുരേഷ് ഗോപി മുഖ്യാതിഥിയാകും. 2026 മെയ് 23 ന് രാവിലെ പത്തിന് തമ്പാനൂരിലെ റെയിൽ കല്യാണ മണ്ഡപത്തിൽ നടക്കുന്ന തൊഴിൽ മേളയിൽ 130-ഓളം ഉദ്യോഗാർത്ഥികൾക്കുള്ള നിയമനക്കത്തുകൾ വിതരണം ചെയ്യും. ഇന്ത്യൻ റെയിൽവേ, വിഎസ്എസ്സി/ഐഎസ്ആർഒ, ഐഐഎസ്ഇആർ, സിഎസ്ഐആർ-എൻഐഐഎസ്ടി, ബാങ്ക് ഓഫ് ബറോഡ, എയർപോർട്ട് അതോറിറ്റി ഓഫ് ഇന്ത്യ, ഇന്ത്യൻ നാവികസേന, വ്യോമസേന/എംഇഎസ് എന്നിവിടങ്ങളിലെ നിയമനക്കത്തുകളാണ് നാളെ കൈമാറുക.രാജ്യത്തെ യുവാക്കൾക്ക് നിയമനം ത്വരിതപ്പെടുത്തുന്നതിനും തൊഴിലവസരങ്ങൾ നൽകുന്നതിനുമായി ആരംഭിച്ച മുൻനിര തൊഴിൽ സംരംഭമായ റോസ്ഗർ മേളയുടെ ഭാഗമാണ് ഈ പരിപാടി. രാജ്യവ്യാപകമായി നടക്കുന്ന റോസ്ഗർ മേള പ്രധാനമന്ത്രി ശ്രീ നരേന്ദ്ര മോദി വീഡിയോ കോൺഫറൻസിലൂടെ ഉദ്ഘാടനം ചെയ്യും. വിവിധ മന്ത്രാലയങ്ങൾ, വകുപ്പുകൾ, സംഘടനകൾ എന്നിവയിലുടനീളമുള്ള പുതുതായി നിയമിക്കപ്പെട്ട ഉദ്യോഗാർത്ഥികൾക്ക് നിയമനക്കത്തുകൾ വിതരണം ചെയ്യും.