തിരുവനന്തപുരം :പോലീസ് ഉദ്യോഗസ്ഥർക്ക് ‘കേന്ദ്രീയ ഗൃഹമന്ത്രി ദക്ഷതാ പതക്’ നൽകുന്നത് പ്രധാനമായും നാല് മേഖലകളിലെ അവരുടെ മികച്ച പ്രകടനം കണക്കിലെടുത്താണ്. പ്രത്യേക ദൗത്യങ്ങളിലെ ധീരതയും അർപ്പണബോധവും (പ്രത്യേക ഓപ്പറേഷൻ), കുറ്റകൃത്യങ്ങളുടെ അന്വേഷണത്തിലെ മികവും കാര്യക്ഷമതയും (അന്വേഷണം), മികച്ച ഇന്റലിജൻസ് പ്രവർത്തനങ്ങളും അതുമായി ബന്ധപ്പെട്ട ധൈര്യവും (ഇന്റലിജൻസ്), ഫോറൻസിക് സയൻസ് രംഗത്തെ സംഭാവനകളും ശാസ്ത്രീയമായ പുതിയ കണ്ടെത്തലുകളും (ഫോറൻസിക് സയൻസ്) എന്നിവയാണ് ഈ പുരസ്കാരത്തിന് അർഹരാകുന്നതിനുള്ള പ്രധാന മാനദണ്ഡങ്ങൾ.കണ്ണൂർ സിറ്റി അസി കമ്മിഷണർ സുമേഷ് ടി പി ,ആസാദ് എം പി അസി കമ്മിഷണർ കൂത്തുപറമ്പ് സിറ്റി ,ശിവകുമാർ വി ആർ തിരുവനന്തപുരം ഫോർട്ട് എസ് എച്ച് ഓ ,ബിനീഷ് ലാൽ കെ വി അഞ്ചുതെങ്ങ് എസ് എച്ച് ഓ എന്നിവരാണ് അഭിനന്ദാർഹമായ നേട്ടത്തിന് ഉടമകളായിരിക്കുന്നത് .
