എരുമേലി :നാസർ പനച്ചി “കാറിൽ” ,എബി കാവുങ്കൽ “വൃക്ഷത്തിൽ” അനിത സന്തോഷും ,ജോബി കാലപ്പറമ്പിലും “ആപ്പിളിൽ” ജനവിധി നേടും ,ലിസി സജിക്ക് ടെലിവിഷൻ

November 24, 2025

എരുമേലി : എരുമേലി പഞ്ചായത്തിൽ വാഴക്കാലായിൽ ജനവിധിതേടുന്ന നാസർ പനച്ചി കാർ ചിഹ്നത്തിൽ മത്സരിക്കും .കോൺഗ്രസിൽ സീറ്റ് ലഭിക്കാതെ വന്നതോടെ മുസ്ലിം ലീഗിന്റെ സീറ്റായ വാഴക്കാല വാർഡിൽ യൂ ഡി എഫ് സ്ഥാനാർത്ഥിയായി നാസർ പനച്ചിയെ തീരുമാനിക്കുകയായിരുന്നു .കണമലയിൽ മത്സരിക്കുന്ന എബി കാവുങ്കന് വൃക്ഷ ചിഹ്നമാണ് തെരഞ്ഞെടുപ്പ് കമ്മീഷൻ അനുവദിച്ചത് .കോൺഗ്രസ് അധികാരത്തിൽ വന്നപ്പോൾ രണ്ട് പ്രാവശ്യം പഞ്ചായത്ത് പ്രസിഡന്റായിരുന്ന പിന്നീട് ഉപതെരഞ്ഞെടുപ്പിൽ ഒഴക്കനാട് മെമ്പറായ അനിത സന്തോഷ് പഴയിടം വാർഡിൽ ആപ്പിൾ ചിഹ്നത്തിൽ മത്സരിക്കും .കണമല സർവീസ് സഹകരണ ബാങ്ക് ഡയറക്ടർ ബോർഡ് അംഗമായ ടോം വർഗീസ് (ജോബി കാലപ്പറമ്പിലിന് ആപ്പിൾ ചിഹ്നമാണ് അനുവദിച്ചിരിക്കുന്നത് .ശ്രീനിപുരത്തെ സ്വതന്ത്ര സ്ഥാനാർത്ഥിയും ഇപ്പോഴത്തെ കോൺഗ്രസ് പൊരിയന്മല അംഗവുമായ ലിസ്സി സജിക്ക് ടെലിവിഷൻ ചിഹ്നമാണ് കിട്ടിയത് .ലിസി സജി ടെലിവിഷൻ ചിഹ്നത്തിൽ മത്സരിക്കും .