തോമസ് കല്ലമ്പള്ളി അനുസ്മരണ സമ്മേളനം

March 3, 2025

കാഞ്ഞിരപ്പള്ളി: തോമസ് കല്ലമ്പള്ളിയുടെ 23ാം ചരമവാർഷികത്തോടനുബന്ധിച്ച് കല്ലംപള്ളി ഫൗണ്ടേഷന്‍റെ നേതൃത്വത്തിൽ നടത്തിയ അനുസ്മരണ സമ്മേളനം മുൻ മന്ത്രി പി.ജെ. ജോസഫ് ഉദ്ഘാടനം ചെയ്തു. പൊതുപ്രവർത്തനരംഗത്ത് തെളിമയുള്ള വ്യക്തിത്വം നിലനിർത്തിയ ആളായിരുന്നു തോമസ് കല്ലമ്പള്ളിയെന്നു അദേഹം പറഞ്ഞു.

ചെയർമാൻ ജോജി വാളിപ്ലാക്കൽ അധ്യക്ഷത വഹിച്ചു. കാഞ്ഞിരപ്പള്ളി രൂപത മുൻ അധ്യക്ഷൻ മാർ മാത്യു അറയ്ക്കൽ അനുഗ്രഹ പ്രഭാഷണം നടത്തി. ചീഫ് വിപ്പ് ഡോ.എൻ. ജയരാജ്, ഫ്രാൻസിസ് ജോർജ് എംപി, സെബാസ്റ്റ്യൻ കുളത്തുങ്കൽ എംഎൽഎ, മോൻസ് ജോസഫ് എംഎൽഎ, മുൻ കേന്ദ്രമന്ത്രി പി.സി. തോമസ്, ഫാ. ജോസഫ് പൊങ്ങന്താനം, ഫാ. ആന്‍റണി തോക്കനാട്ട്, അപു ജോൺ ജോസഫ്, പാറത്തോട് പഞ്ചായത്ത് പ്രസിഡന്‍റ് കെ.കെ. ശശികുമാർ, കെ.ജെ. തോമസ്, പി.എം. മാത്യു, ത്രേസിക്കുട്ടി കല്ലമ്പള്ളി, ഷെവ.അഡ്വ.വി.സി. സെബാസ്റ്റ്യൻ, പി.എ. സലിം, നോബിൾ മാത്യു, കൊട്ടാരക്കര പൊന്നച്ചൻ, ജോയി നെല്ലിയാനി എന്നിവർ പ്രസംഗിച്ചു.

കല്ലമ്പള്ളി ഫൗണ്ടേഷൻ ഏർപ്പെടുത്തിയ താലൂക്കിലെ മികച്ച പഞ്ചായത്ത് പ്രസിഡന്‍റിനുള്ള തോമസ് കല്ലമ്പള്ളി എക്സലൻസ് അവാർഡ് ചിറക്കടവ് പഞ്ചായത്ത് പ്രസിഡന്‍റ് സി.ആർ. ശ്രീകുമാറിനും മാതൃകാ പഞ്ചായത്തംഗത്തിനുള്ള അവാർഡ് മുണ്ടക്കയം പഞ്ചായത്തംഗം ബെന്നി ചേറ്റുകുഴിക്കും മാതൃകാ വനിതാ പഞ്ചായത്തംഗത്തിനുള്ള അവാർഡ് കാഞ്ഞിരപ്പള്ളി പഞ്ചായത്തംഗം റാണി ടോമിക്കും ജനപ്രിയ പഞ്ചായത്തംഗങ്ങൾക്കുള്ള പ്രത്യേക പുരസ്കാരം എലിക്കുളം പഞ്ചായത്തംഗം മാത്യുസ് പെരുമനങ്ങാട്ടിനും കാഞ്ഞിരപ്പള്ളി പഞ്ചായത്തംഗം ബിജു ചക്കാലയ്ക്കും സമ്മാനിച്ചു. കല്ലമ്പള്ളിയുടെ സമകാലികരായ 25 തലമുതിർന്ന പൊതുപ്രവർത്തകരെ ചടങ്ങിൽ ആദരിച്ചു