അയൽകൂട്ടായ്മകൾ നാടിൻറെ ഐശ്വര്യമാണെന്നും സുരക്ഷിത ജീവിതത്തിന് റെസിഡൻസ് അസോസിയേഷനുകൾ അനിവാര്യ മാണെന്നും അഡ്വ സെബാസ്റ്റ്യൻ കുളത്തുങ്കൽ എം എൽ എ

എരുമേലി :സമീപവാസികളായ അയൽക്കാരുടെ കൂട്ടായ്മ നാടിൻറെ ഐശ്വര്യമാണെന്നും സുരക്ഷിത ജീവിതത്തിന് റെസിഡൻസ് അസോസിയേഷനുകളുടെ ഇടപെടൽ അനിവാര്യമാണെന്നും
പൂഞ്ഞാർ എം എൽ എ അഡ്വ .സെബാസ്റ്റ്യൻ കുളത്തുങ്കൽ ,എരുമേലി പഞ്ചായത്തിലെ
ഏഴാം വാർഡിൽ കൊരട്ടി മേഖലയിൽ രൂപീകരിച്ച ഹാർമണി റെസിഡൻസ് അസോസിയേഷൻ ഉത്‌ഘാടനം നിർവഹിച്ചു സംസാരിക്കുകയായിരുന്നു എം എൽ എ . കാഞ്ഞിരപ്പള്ളി ബ്ലോക്ക് പഞ്ചായത്ത് അംഗം ജൂബി അഷറഫ് ,എരുമേലി പഞ്ചായത്ത് നേർച്ചപാറ വാർഡ് അംഗം പി ഷാനവാസ് ,അസോസിയേഷൻ രക്ഷാധികാരി ജോസ് പഴയ തോട്ടം , സെക്രട്ടറി രാജീവ് ജോസഫ് കണ്ണാട്ടുകുന്നേൽ , ഷാജി സൂര്യ ,സലിം ,ജോയിന്റ് സെക്രട്ടറി അൻസി കെ ഐ എന്നിവർ പ്രസംഗിച്ചു .വിവിധ കലാപരിപാടികളും ഉണ്ടായിരുന്നു .