ആറ്റുകാൽ പൊങ്കാല മഹോത്സവം; വിപുലമായ ക്രമീകരണങ്ങൾ ഒരുക്കി ദക്ഷിണ റെയിൽവേ

തിരുവനന്തപുരം : 17 ഫെബ്രുവരി 2026

 തിരുവനന്തപുരത്ത് ആറ്റുകാൽ ഭഗവതി ക്ഷേത്രത്തിൽ നടക്കുന്ന പൊങ്കാല മഹോത്സവത്തിന്റെ ഭാ​ഗമായി സുരക്ഷിതവും സൗകര്യപ്രദവുമായ യാത്ര ഒരുക്കുന്നതിനായി, സമഗ്രമായ ക്രമീകരണങ്ങൾ ഏർപ്പെടുത്തി ദക്ഷിണ റെയിൽവേ തിരുവനന്തപുരം ഡിവിഷൻ. പ്രത്യേക ട്രെയിൻ സർവീസുകൾ, അധിക സ്റ്റോപ്പുകൾ, ടിക്കറ്റ് സൗകര്യങ്ങൾ വർദ്ധിപ്പിക്കൽ, സുരക്ഷാ ക്രമീകരണങ്ങൾ ശക്തിപ്പെടുത്തൽ എന്നിവ ഇതിൽ ഉൾപ്പെടുന്നു. 2026 മാർച്ച് 03-ന് ആറ്റുകാൽ പൊങ്കാല ദിനത്തിൽ, തിരുവനന്തപുരം സെൻട്രൽ സ്റ്റേഷനിലെ യാത്രക്കാരുടെ ഗതാഗതം കാര്യക്ഷമമാക്കുന്നതിനായി കൊല്ലത്തേക്കുള്ള ട്രെയിനുകൾ ഒന്ന് മുതൽ നാല് വരെയുള്ള പ്ലാറ്റ്‌ഫോമുകളിൽ നിന്ന് പുറപ്പെടും. നാഗർകോവിലിലേക്കുള്ള ട്രെയിനുകൾ അഞ്ചാം പ്ലാറ്റ്‌ഫോമിൽ നിന്ന് പുറപ്പെടും.             ടിക്കറ്റ് ബുക്കിംഗ് എളുപ്പമാക്കുന്നതിന്, പ്രവേശന, എക്സിറ്റ് പോയിന്റുകളിൽ അധിക ടിക്കറ്റ് കൗണ്ടറുകൾ തുറക്കും. തിരുവനന്തപുരം സെൻട്രലിലെ പ്ലാറ്റ്‌ഫോമുകളിൽ റിസർവ് ചെയ്യാത്ത ടിക്കറ്റിംഗ് സിസ്റ്റം (UTS), UTS-ഓൺ-മൊബൈൽ QR കോഡ് കൗണ്ടറുകൾ എന്നിവയും ക്രമീകരിക്കും.ഗവൺമെന്റ് റെയിൽവേ പോലീസ് (GRP), ലോക്കൽ പോലീസ്, മറ്റ് അധികാരികൾ എന്നിവരുമായി ഏകോപിപ്പിച്ച് റെയിൽവേ പ്രൊട്ടക്ഷൻ ഫോഴ്‌സ് (RPF) യാത്രക്കാരുടെ സുരക്ഷ സജീവമായി നിരീക്ഷിക്കുകയും കൈകാര്യം ചെയ്യുകയും ചെയ്യും. അടിയന്തര സഹായം നൽകുന്നതിനും തടസ്സരഹിതമായ യാത്ര ഉറപ്പാക്കുന്നതിനുമായി പ്രധാന സ്ഥലങ്ങളിൽ മെഡിക്കൽ, സുരക്ഷാ ഉദ്യോഗസ്ഥർ ഉൾപ്പെടുന്ന പ്രത്യേക ടീമുകളെ വിന്യസിക്കും.യാത്രക്കാരുടെ സൗകര്യാർത്ഥം, എറണാകുളം ജംഗ്ഷൻ- തിരുവനന്തപുരം സെൻട്രൽ, തിരുവനന്തപുരം സെൻട്രൽ- നാഗർകോവിൽ ജംഗ്ഷൻ എന്നീ റൂട്ടുകളിൽ അധിക ട്രെയിൻ സർവീസുകൾ നടത്തും.സ്പെഷ്യൽ ട്രെയിനുകൾ1. ട്രെയിൻ നമ്പർ 06121 തിരുവനന്തപുരം സെൻട്രൽ – നാഗർകോവിൽ ജംഗ്ഷൻ അൺറിസർവ്ഡ് സ്പെഷ്യൽട്രെയിൻ 2026 മാർച്ച് 02-ന് രാത്രി 20.55-ന് തിരുവനന്തപുരം സെൻട്രലിൽ നിന്ന് പുറപ്പെട്ട് അതേ ദിവസം രാത്രി 23.20-ന് നാഗർകോവിലിൽ എത്തിച്ചേരും.2. ട്രെയിൻ നമ്പർ 06122 നാഗർകോവിൽ ജംഗ്ഷൻ – തിരുവനന്തപുരം സെൻട്രൽ അൺറിസർവ്ഡ് സ്പെഷ്യൽ  ട്രെയിൻ  2026 മാർച്ച് 03 ന് നാഗർകോവിലിൽ നിന്ന് 01.40-ന് പുറപ്പെട്ട് 03.30 ന് തിരുവനന്തപുരം സെൻട്രലിൽ എത്തിച്ചേരും.3.ട്രെയിൻ നമ്പർ 06123 എറണാകുളം ജംഗ്ഷൻ – തിരുവനന്തപുരം സെൻട്രൽ സ്പെഷ്യൽട്രെയിൻ 2026 മാർച്ച് 03-ന് എറണാകുളത്ത് നിന്ന് പുലർച്ചെ 01.20 ന് പുറപ്പെടും. തിരുവനന്തപുരത്ത് 06.30-ന് എത്തിച്ചേരും.4. ട്രെയിൻ നമ്പർ 06124 തിരുവനന്തപുരം സെൻട്രൽ-എറണാകുളം ജംഗ്ഷൻ സ്പെഷ്യൽ ട്രെയിൻ 15.10 ന് തിരുവനന്തപുരം സെൻട്രലിൽ നിന്ന് പുറപ്പെടും 20.15ന് എറണാകുളത്ത് എത്തിച്ചേരും.5. ട്രെയിൻ നമ്പർ.06124 ആലപ്പുഴ വഴിയുള്ള തിരുവനന്തപുരം സെൻട്രൽ-എറണാകുളം ജംഗ്ഷൻ അൺറിസർവ്ഡ് എക്സ്പ്രസ് 2026 മാർച്ച് 03-ന് 14.40ന് തിരുവനന്തപുരം സെൻട്രലിൽ നിന്ന് പുറപ്പെടും 19.10 മണിക്ക് എറണാകുളത്ത് എത്തിച്ചേരും. II. അധിക സ്റ്റോപ്പുകൾ12624 തിരുവനന്തപുരം സെൻട്രൽ – ഡോ എംജിആർ ചെന്നൈ സെൻട്രൽ സൂപ്പർഫാസ്റ്റ് എക്സ്പ്രസ് 2026 മാർച്ച് 03 ന് കഴക്കൂട്ടത്തും, ചിറയിൻകീഴിലും താൽക്കാലിക  സ്റ്റോപ്പ് അനുവദിച്ചു. 16729 മധുരൈ-പുനലൂർ എക്സ്പ്രസ് മധുരയിൽ നിന്ന് പുറപ്പെടുന്നു. 2026 മാർച്ച് 02-ന് പള്ളിയാടിയിലും ബാലരാമപുരത്തും  താൽക്കാലികമായി നിർത്തും.2026 മാർച്ച് 02-ന് രാമേശ്വരത്ത് നിന്ന് പുറപ്പെടുന്ന ട്രെയിൻ നമ്പർ 16344 രാമേശ്വരം-തിരുവനന്തപുരം സെൻട്രൽ അമൃത എക്‌സ്പ്രസ് ചിറയിൻകീഴിൽ താൽക്കാലികമായി നിർത്തും. 2026 മാർച്ച് 03-ന് കണ്ണൂരിൽ നിന്ന് പുറപ്പെടുന്ന ട്രെയിൻ നമ്പർ 12081 കണ്ണൂർ-തിരുവനന്തപുരം സെൻട്രൽ ജനശതാബ്ദി എക്സ്പ്രസ് തിരുവനന്തപുരം പേട്ടയിൽ താൽക്കാലികമായി നിർത്തും 2026 മാർച്ച് 03-ന് മംഗളൂരു സെൻട്രലിൽ നിന്ന് പുറപ്പെടുന്ന ട്രെയിൻ നമ്പർ 20631 മംഗളൂരു സെൻട്രൽ – തിരുവനന്തപുരം സെൻട്രൽ വന്ദേ ഭാരത് എക്സ്പ്രസ് തിരുവനന്തപുരം പേട്ടയിൽ താൽക്കാലികമായി നിർത്തും പുനഃക്രമീകരണം2026 മാർച്ച് മൂന്നിന് സർവ്വീസ് നടത്തുന്ന തിരുവനന്തപുരം സെൻട്രൽ – ഹസ്രത്ത് നിസാമുദ്ദീൻ എക്സ്പ്രസ്, തിരുവനന്തപുരം – നാഗർകോവിൽ പാസഞ്ചർ, കൊല്ലം – കന്യാകുമാരി മെമു, നാഗർകോവിൽ – കോട്ടയം എക്സ്പ്രസ് എന്നിവ വൈകി സർവ്വീസ് നടത്തും. തീർത്ഥാടക യാത്രക്കാർക്കുള്ള പ്രധാന സുരക്ഷാ മാർഗ്ഗനിർദ്ദേശങ്ങൾ:സുരക്ഷാ കാരണങ്ങളാൽ റെയിൽവേ പരിസരത്ത് പൊങ്കാല അടുപ്പുകൾ കത്തിക്കുന്നത് കർശനമായി നിരോധിച്ചിരിക്കുന്നു.സുരക്ഷ ഉറപ്പാക്കാൻ പ്ലാറ്റ്‌ഫോമുകളിലും ഫുട് ഓവർ ബ്രിഡ്ജുകളിലും (FOBs) ഇരിക്കുകയോ തിരക്ക് കൂട്ടുകയോ ചെയ്യാൻ അനുവദിക്കില്ല.റെയിൽവേ ട്രാക്കുകൾ മുറിച്ചുകടക്കുന്നത് കർശനമായി നിരോധിച്ചിരിക്കുന്നു; പ്ലാറ്റ്‌ഫോമുകൾക്കിടയിൽ സഞ്ചരിക്കാൻ യാത്രക്കാർ ഫുട് ഓവർ ബ്രിഡ്ജുകൾ ഉപയോഗിക്കണം.സുരക്ഷിതവും സുഗമവുമായ യാത്ര ഉറപ്പാക്കാൻ യാത്രക്കാർ ആർ‌പി‌എഫ്, പോലീസ്, റെയിൽവേ ഉദ്യോഗസ്ഥരുടെ നിർദ്ദേശങ്ങൾ പാലിക്കണം.