മീനച്ചിലാറ്റിൽ കുളിക്കാനിറങ്ങിയ രണ്ട് വിദ്യാർത്ഥികളെ കാണാതായി, മുണ്ടക്കയം തെക്കേമല സ്വദേശി ആല്‍ബിന്‍ ജോസഫും ഉൾപ്പെടുന്നു.. തിരച്ചിൽ തുടരുന്നു..

ഭരണങ്ങാനം :ഭരണങ്ങാനം വിലങ്ങുപാറയില്‍ മീനച്ചിലാറ്റില്‍ കുളിക്കാനിറങ്ങിയ രണ്ട് വിദ്യാർത്ഥികളെ കാണാതായി. ഭരണങ്ങാനം അസീസി ഭാഷ പഠന കേന്ദ്രത്തിലെ വിദ്യാർത്ഥികളായ മുണ്ടക്കയം തെക്കേമല സ്വദേശി ആൽബിൻ ജോസഫ് (21) s/o ബിജി ജോസഫ്, പന്തപ്ലാക്കൽ തെക്കേമല, ഇടുക്കി അടിമാലി സ്വദേശിയായ അമൽ. കെ. ജോമോൻ(19) s/o ജോമോൻ ജോസഫ്, കൈപൻപ്ലാക്കൽ, അടിമാലി പി ഓ, കരിംകുളം എന്നീ വിദ്യാർത്ഥികളെയാണ് കാണാതായത്. ശനിയാഴ്ച വൈകിട്ട് 04: 30 മണിയോടുകൂടി ഭരണങ്ങാനത്തിനടുത്ത് വിലങ്ങുപാറ പാലത്തിന് ചേർന്നുള്ള മീനിച്ചിലാറ്റിലെ കുളികടവിൽ കുളിക്കാൻ ഇറങ്ങിയ വഴി ഇവർ ഒഴുക്കിൽപ്പെടുകയായിരുന്നു.

ഫയർ ഫോഴ്സും നാട്ടുകാരും ചേർന്ന് തെരച്ചിൽ തുടരുകയാണ്.