ആലപ്പുഴ: നഗരത്തിലെ നിര്‍മാണത്തിലിരുന്ന ഓടയിലേക്ക് ഗര്‍ഭിണി വീണ് അപകടം. ഭര്‍ത്താവിനോടൊപ്പം ഓട മുറിച്ചുകടക്കുകയായിരുന്നു യുവതി. ഓടയില്‍ സ്ലാബ് വാര്‍ക്കാനിട്ടിരുന്ന കട്ടികുറഞ്ഞ മരപ്പലകയില്‍ ചവിട്ടി നടന്നപ്പോഴാണ് അപകടമുണ്ടായത്. യുവതിക്ക് കാര്യമായ പരിക്കുകളില്ല. ഇന്ദിരാ ജങ്ഷനിലായിരുന്നു സംഭവം.ഓട മുറിച്ചുകടന്ന ഭര്‍ത്താവിന് പിന്നിലായാണ് യുവതി നടന്നുവന്നത്. മരപ്പലകയില്‍ ചവിട്ടിയതും അത് തകര്‍ന്ന് യുവതി ഓടയിലേക്ക് വീഴുകയായിരുന്നു. ഒരുമാസമായി പൊളിച്ചിട്ട ഓടയുടെ നിര്‍മാണപ്രവര്‍ത്തനം നടന്നുവരികയായിരുന്നു. ഇത് സംബന്ധിച്ച മുന്നറിയിപ്പ് ബോര്‍ഡുകള്‍ റോഡില്‍ സ്ഥാപിച്ചിരുന്നില്ല.