കണമല- കോരുത്തോട് -മുണ്ടക്കയം ഹൈവേയിലെ പ്രശ്നങ്ങൾ അടിയന്തരമായി പരിഹരിക്കണമെന്ന്

TO ,പൊതുമരാമത്ത് വകുപ്പ് മന്ത്രി തിരുവനന്തപുരം വിഷയം : എരുമേലി ഗ്രാമപഞ്ചായത്തിൽ നിന്നും എൻഎച്ച് 183A ആരംഭിച്ച് കോരുത്തോട് ഗ്രാമപഞ്ചായത്ത് വഴി മുണ്ടക്കയത്ത് വീണ്ടും എൻഎച്ച് 183A എത്തിച്ചേരുന്ന ഹൈവേ റോഡിനെ സംബന്ധിച്ച്. , എരുമേലി ഗ്രാമപഞ്ചായത്തിൽ നിന്നും ആരംഭിച്ച്കോരുത്തോട് ഗ്രാമപഞ്ചായത്ത് വഴി മുണ്ടക്കയത്ത് എത്തിച്ചേരുന്ന ഒരു ഹൈവേ റോഡാണിത്. NH 183 A ൽ ആരംഭിച്ച് NH 183 A അവസാനിക്കുന്ന ഒരു ബൈപ്പാസ് റോഡ്കൂടിയാണിത്.ശബരിമല അയ്യപ്പഭക്തർക്ക് പമ്പയിൽ നിന്നും തമിഴ്നാട്ടിലേക്കും കർണാടകത്തിലേക്കും പോകുവാൻ വേണ്ടി ഉപയോഗിക്കുന്ന ഏറ്റവും ദൂരം കുറഞ്ഞ ഒരു റോഡ് കൂടിയാണിത്. കണ മല നിന്നും ഏകദേശം 24.km. മാത്രമാണ് മുണ്ടക്കയം വരെ ഈ ഹൈവേ റോഡിന്റെ ദൂരം. റോഡിന്റെ ഇരുവശങ്ങളിലും ഐറിഷ് ഓട നിർമ്മാണം പൂർത്തിയാക്കിയാൽ കാൽനട യാത്രക്കാർക്ക് ഇത് ഒത്തിരി ഗുണപ്രദമാണ് കാരണം ശബരിമല സീസണുകളിൽ വീതി കുറഞ്ഞ ഈ റോഡിൽ വലിയ ഗതാഗത തിരക്കാണ്. ഈ റോഡിൽ നാലഞ്ച് ചെറിയ സിറ്റികൾ ഉണ്ട് ആ സിറ്റികൾ എല്ലാം ഇന്റർലോക്ക് ചെയ്ത് സൈഡും മനോഹരമാക്കിയിട്ടുണ്ട് എന്നാൽ ഏറ്റവും തിരക്കുള്ള കോരുത്തോട് ഗ്രാമപഞ്ചായത്തിലെ പള്ളിപ്പടി മുതൽ ബാങ്ക് വഴി വരെ ഏകദേശം 300 മീറ്ററോളം ഭാഗം ഇന്റർലോക്ക് ചെയ്യാതെ കിടക്കുകയാണ് ഈ ഭാഗത്ത് 1000 ത്തോളം കുട്ടികൾ പഠിക്കുന്ന രണ്ടു സ്കൂളുകളും ഒരു ഫൊറോന പള്ളിയും SBI ബാങ്ക് ഉൾപ്പടെ മറ്റ് രണ്ട് ബാങ്കുകളും മറ്റ് അനുബന്ധ സ്ഥാപനങ്ങളും പ്രവർത്തിച്ചുവരുന്ന തിരക്കേറിയ ഒരു സ്ഥലമാണിത്. ഈ പ്രദേശം അടിയന്തരമായി ഇന്റർലോക്ക് ചെയ്ത് കാൽനടയാത്രക്കാർക്കും സ്കൂൾ കുട്ടികൾക്കും യാതൊരു അപകടവും ഉണ്ടാകാത്ത രീതിയിൽ ക്രമീകരിക്കണമെന്ന് വിനീതമായി അഭ്യർത്ഥിക്കുന്നു. ഇതിനുമുമ്പും PWD വിഭാഗം പലതവണ ഈ പ്രദേശത്തെ എസ്റ്റിമേറ്റ് എടുത്തുകൊണ്ടു പോയിട്ടുണ്ടെങ്കിലും യാതൊരുവിധ നടപടികളും ഇല്ലാതെ മുന്നോട്ടു പോവുകയാണ്.ഈ ശബരിമല സീസൺ ആരംഭിക്കുന്നതിനു മുമ്പായി അടിയന്തരമായി ഈ പ്രദേശത്തിന്റെ കാര്യം അങ്ങയുടെ ശ്രദ്ധയിൽ പെടുത്തുന്നു. ടി പ്രശ്നം ഉടൻതന്നെ പരിഹരിച്ച് തരണമെന്ന് അപേക്ഷിക്കുന്നു. എന്ന്ബിനു മറ്റക്കര ബ്ലോക്ക് കോൺഗ്രസ് കമ്മിറ്റി പ്രസിഡണ്ട്