കോട്ടയം: ലോക ക്ഷയരോഗ ദിനാചരണത്തിന്റെ ഭാഗമായുള്ള കോട്ടയം ജില്ലാതല പരിപാടി
ചൊവ്വാഴ്ച കോട്ടയം ജില്ലാശുപത്രി എന്.എച്ച്.എം ഹാളില് ജില്ലാ മെഡിക്കല്
ഓഫീസര് ഡോ. എന്. പ്രിയ ഉദ്ഘാടനം ചെയ്തു. 100 ദിന ബോധവത്കരണ പരിപാടിയുടെ ജില്ലാതല ഉദ്ഘാടനവും ഇതോടനുബന്ധിച്ചു നടന്നു. ജില്ലാ
പ്രോഗ്രാം മാനേജര് ഡോ. വ്യാസ് സുകുമാരന് അധ്യക്ഷത വഹിച്ചു. ജില്ലാ
ടി.ബി ഓഫീസര് ഡോ. ശ്രീജിത്ത് ബാബു, ഡോ. ബാബു വര്ഗീസ്,കോട്ടയം ജനറല്
ആശുപത്രി സൂപ്രണ്ട് ഡോ. പി.കെ. സുഷമ, ആര്.സി.എച്ച് ഓഫീസര് ഡോ. ബി.കെ.
പ്രസീത, ഡെപ്യൂട്ടി ഡി.എം.ഒ. ഡോ. ആര്. സന്തോഷ് കുമാര്, കാനറ ബാങ്ക്
ഡിവിഷണല് മാനേജര് വെങ്കിടേഷ്, റെഡ്ക്രോസ് സൊസൈറ്റി ജില്ലാ ചെയര്മാന്
ജോബി തോമസ്, ഡോ. അനൂപ ലൂക്കാസ്, അനില്കുമാര്,എന്.ജെ. അനുജ നായര്
എന്നിവര് പ്രസംഗിച്ചു. ലോകക്ഷയരോഗദിനാചരണത്തോടനുബന്ധിച്ച്
നടത്തിയ ക്വിസ് മത്സരത്തില് വിജയികളായവര്ക്ക് സമ്മാനങ്ങള് നല്കി.
ജില്ലയില് കൂടുതല് ടി.ബി പരിശോധനകള് നടത്തിയ സ്ഥാപനങ്ങള്, മികച്ച ടി.ബി
പ്രതിരോധ പ്രവര്ത്തനങ്ങള് നടത്തിയ 21 ആരോഗ്യ സ്ഥാപനങ്ങള്, ജില്ലയില് കൂടുതല് ‘നാറ്റ് ‘ടെസ്റ്റുകള് നടത്തിയ സ്ഥാപനങ്ങള് എന്നിവയെയുംടി.ബി ചികിത്സ വിജയകരമായി പൂര്ത്തിയാക്കിയ രണ്ടുപേരെയും ചടങ്ങില് ആദരിച്ചു.യോഗത്തിനു മുന്നോടിയായി നടന്ന ജില്ലാതല റാലി കോട്ടയം ജനറല് ആശുപത്രി അങ്കണത്തില് സൂപ്രണ്ട് ഡോ. പി.കെ. സുഷമ ഫ് ഫ്ളാഗ് ഓഫ് ചെയ്തു. ജില്ലാ
ടി.ബി. സെന്ററില് അവസാനിച്ച റാലിയില് കാരിത്താസ് നഴ്സിംഗ് കോളജ്,
കോട്ടയം ഗവണ്മെന്റ് സ്കൂള് ഓഫ് നഴ്സിംഗ്, കോട്ടയം തിരുഹൃദയ നഴ്സിംഗ്
കോളേജ് എന്നിവിടങ്ങളിലെ വിദ്യാര്ഥികള് പങ്കെടുത്തു. കോട്ടയം ഗവണ്മെന്റ് നഴ്സിംഗ് കോളജ് വിദ്യാര്ഥിനികള് ഫ്ളാഷ് മോബ് അവതരിപ്പിച്ചു.ഫോട്ടോ
ക്യാപ്ഷന്- ലോക ക്ഷയരോഗ ദിനാചരണത്തിന്റെ ഭാഗമായുള്ള കോട്ടയം ജില്ലാതല
പരിപാടി ജില്ലാ മെഡിക്കല് ഓഫീസര് ഡോ. എന്. പ്രിയ ഉദ്ഘാടനം ചെയ്യുന്നു
