ഈരാറ്റുപേട്ട മിനി സിവിൽ സ്റ്റേഷൻ:
യുഡിഎഫ് പ്രസ്താവന രാഷ്ട്രീയ പ്രേരിതം

March 10, 2026

ഈരാറ്റുപേട്ട: മിനി സിവിൽ സ്റ്റേഷൻ നിർമ്മാണവുമായി ബന്ധപ്പെട്ട് യുഡിഎഫ് നടത്തുന്ന കള്ള പ്രചാരണങ്ങൾ,രാഷ്ട്രീയ പ്രേരിതവും,വികസന വിരോധത്തിൽ നിന്നുള്ളതാണെന്നും എൽഡിഎഫ് നിയോജകമണ്ഡലം കമ്മിറ്റി അറിയിച്ചു.
മിനി സിവിൽ സ്റ്റേഷന് ബഡ്ജറ്റിൽ ഉൾപ്പെടുത്തി 10 കോടി രൂപ അനുവദിച്ചതും പോലീസിന്റെ എതിർപ്പ് മറികടന്ന് സ്ഥലം ലഭ്യമാക്കിയതും എല്ലാം അഡ്വ: സെബാസ്റ്റ്യൻ കുളത്തുങ്കൽ എംഎൽഎ മുൻകൈയെടുത്ത് എൽഡിഎഫ് സർക്കാർ ആണെന്ന് എൽഡിഎഫ് നേതൃയോഗം ചൂണ്ടിക്കാട്ടി. സിവിൽ സ്റ്റേഷൻ നിർമ്മാണത്തിനുള്ള എല്ലാ നടപടിക്രമങ്ങളും പൂർത്തീകരിച്ചിട്ടുണ്ട്. അതിനാലാണ് റവന്യൂ മന്ത്രിയും ജില്ലാ കളക്ടർ ഉൾപ്പെടെ റവന്യൂ ഉദ്യോഗസ്ഥരും കെട്ടിട നിർമ്മാണത്തിന് ചുമതലപ്പെടുത്തിയിട്ടുള്ള പൊതുമരാമത്ത് കെട്ടിട വിഭാഗ ഉദ്യോഗസ്ഥരും ജനപ്രതിനിധികളും എല്ലാം ഉൾപ്പെടെ ഔദ്യോഗികമായി ഉദ്ഘാടനം നിർവഹിച്ചതെന്നും ഇതിനെ തെറ്റായി ചിത്രീകരിക്കുകയും ബഹിഷ്കരിക്കുകയും ചെയ്തത് യുഡിഎഫിന്റെ രാഷ്ട്രീയ പാപ്പരത്വവും സങ്കുചിതത്വവും ആണ് വെളിവാക്കുന്നത് എന്നും എൽഡിഎഫ് യോഗം വിലയരുത്തി. എൽഡിഎഫ് ജനങ്ങളോട് പ്രതിബദ്ധതയുള്ള മുന്നണിയാണെന്നും ചെയ്യാൻ കഴിയുന്നതേ പറയൂഎന്നും പറയുന്നത് ചെയ്യുമെന്നും യോഗം വ്യക്തമാക്കി.ഇതേ സാഹചര്യമുള്ള മുണ്ടക്കയം മിനി സിവിൽ സ്റ്റേഷൻ ഉദ്ഘാടനത്തിൽ യുഡിഎഫ് പ്രതിനിധികളായ ഡിസിസി ജനറൽ സെക്രട്ടറിയായ സഹകരണ ബാങ്ക് പ്രസിഡന്റും, കോൺഗ്രസുകാരായ ജില്ലാ പഞ്ചായത്ത് അംഗവും, പഞ്ചായത്ത് പ്രസിഡന്റും, ബ്ലോക്ക് പഞ്ചായത്ത് അംഗവും ഉൾപ്പെടെ എല്ലാ യുഡിഎഫ് പ്രതിനിധികളും ബിജെപി ഉൾപ്പെടെ മറ്റു രാഷ്ട്രീയ പ്രതിനിധികളും പങ്കെടുത്തതും യോഗം എടുത്തുപറഞ്ഞു. ഈരാറ്റുപേട്ടയിലെ യുഡിഎഫ് നേതൃത്വത്തിന്റെ സങ്കുചിതത്വവും വികസനവിരോധവും ആണ് ബഹിഷ്കരണത്തിലൂടെ വെളിവായത് എന്നും യോഗം ചൂണ്ടിക്കാട്ടി. എൽഡിഎഫ് നേതൃയോഗം അഡ്വ:സെബാസ്റ്റ്യൻ കുളത്തുങ്കൽ എംഎൽഎ ഉദ്ഘാടനം ചെയ്തു. കൺവീനർ അഡ്വ: സാജൻ കുന്നത്ത് അധ്യക്ഷത വഹിച്ചു. എൽഡിഎഫ് നേതാക്കളായ കെ. രാജേഷ്, എം.ജി ശേഖരൻ, ജോർജുകുട്ടി അഗസ്തി, ഷെമീം അഹമ്മദ്, കെ.റ്റി പ്രമദ്, ജോയി ജോർജ്,
രമ മോഹൻ, പി.സ് സുനിൽ, വി.ജെ കുര്യാക്കോസ്, ഇ.കെ മുജീബ്,റഫീഖ്
പട്ടരുപറമ്പിൽ, തുടങ്ങിയവർ പ്രസംഗിച്ചു