എരുമേലി :
എരുമേലി പഞ്ചായത്തിലെ 16ാം വാര്ഡ് മൂക്കൂട്ടുതറയിലെ തിരുവമ്പാടി ശ്രീകൃഷ്ണസ്വാമി ക്ഷേത്രത്തിന്റെ കുളം നവീകരണം പൂര്ത്തിയായി.അഡ്വ: സെബാസ്റ്റ്യൻ കുളത്തിങ്കൽ എംഎൽഎ മുൻകൈയെടുത്ത് സംസ്ഥാന ഇറിഗേഷൻ ഡിപ്പാർട്ട്മെന്റിൽ നിന്നും 25 ലക്ഷം രൂപ അനുവദിച്ചാണ് കുളം നവീകരണം നടപ്പിലാക്കിയത്. എരുമേലി ഗ്രാമപഞ്ചായത്ത് പ്രസിഡന്റ് അമ്പിളി സജീവന്റെ അധ്യക്ഷതയില് ചേര്ന്ന ചടങ്ങില്വച്ച് പൂഞ്ഞാര് എംഎല്എ സെബാസ്റ്റ്യന് കുളത്തുങ്കല് നവീകരിച്ച കുളം നാടിനു സമര്പ്പിച്ചു. ജില്ലാ പഞ്ചായത്ത് അംഗം ആശാ ജോയ്, ബ്ലോക്ക് പഞ്ചായത്തംഗം പ്രകാശ് പുളിക്കൻ, ഇറിഗേഷൻ ഡിപ്പാർട്ട്മെന്റ് എക്സിക്യൂട്ടീവ് എൻജിനീയർ സുമേഷ് കുമാർ പി, ഗ്രാമപഞ്ചായത്ത് അംഗങ്ങളായ അനുമോൾ സിജെ, സന്തോഷ് കുമാർ സി കെ, ക്ഷേത്രകമ്മിറ്റി ഭാരവാഹികളായ മോഹനദാസ് നായർ, സന്തോഷ് കെ ജി, തുടങ്ങിയവർ പ്രസംഗിച്ചു. കുളം നവീകരണം സമയബന്ധിതമായി പൂര്ത്തിയാക്കാന് സഹകരിച്ച ക്ഷേത്രം ഭാരവാഹികള്ക്കും എരുമേലി പഞ്ചായത്ത് ഭരണസമിതിക്കും മറ്റു ജനപ്രതിനിധിധികള്ക്കും ഉദ്യോഗസ്ഥര്ക്കും നാട്ടുകാര്ക്കും എംഎല്എ അഭിനന്ദനം അറിയിച്ചു. ഏഴ് ക്ഷേത്രക്കുളങ്ങളടക്കം ആരാധാനലായങ്ങളുമായി ബന്ധപ്പെട്ട നിരവധി വികസന പ്രവർത്തനങ്ങൾ മണ്ഡലത്തില് പൂര്ത്തിയാക്കിയതായും എംഎല്എ പറഞ്ഞു.
ശോചനീയാവസ്ഥയിലായിരുന്ന തിരുവമ്പാടി ക്ഷേത്രക്കുളം ക്ഷേത്രം ഭാരവാഹികളുടെ ആവശ്യത്തെത്തുടര്ന്ന് സെബാസ്റ്റ്യന് കുളത്തുങ്കല് എംഎല്എ മുന്കൈയെടുത്താണ് നവീകരിച്ചത്. എംഎല്എയുടെ ഇടപെടലിനെത്തുടര്ന്ന് ജലസേചന വകുപ്പിന്റെ ഹരിതകേരളം-കുളങ്ങളുടെ നവീകരണം പദ്ധതിയില് ഉള്പ്പെടുത്തി 24.32 ലക്ഷം രൂപയുടെ നവീകരണ പ്രവര്ത്തനത്തിന് അനുമതി ലഭിക്കുകയായിരുന്നു. 26 മീറ്റര് നീളത്തിലും 24 മീറ്റര് വീതിയിലും ശരാശരി മൂന്നു മീറ്റര് ആഴത്തിലുമാണ് കുളം നവീകരിച്ചത്. 15 ലക്ഷത്തോളം ലിറ്റര് സംഭരണശേഷിയുള്ള കുളം നവീകരിക്കണമെന്ന ഭക്തജനങ്ങളുടെ ആവശ്യം യാഥാര്ഥ്യമായതോടെ സമീപ പ്രദേശത്തെ ഭൂജല പോഷണത്തിനും, കുടിവെള്ള ലഭ്യത ഉറപ്പാക്കുന്നതിനും സാധിക്കും
