തായ്‌ലൻഡിൽ വിജയക്കൊടി പാറിച്ച് പ്രസാദ്; അതിർത്തി കാത്ത കരുത്ത് കായികവേദിയിലും; അന്താരാഷ്ട്ര മാസ്റ്റേഴ്സ് മീറ്റിൽ പ്രസാദിന് വെങ്കലം…

കുട്ടിക്കാനം: തായ്‌ലൻഡിൽ വെച്ച് നടന്ന ആറാമത് ഓപ്പൺ ഇൻ്റർനാഷണൽ മാസ്റ്റേഴ്സ് മീറ്റിൽ വെങ്കല മെഡൽ കരസ്ഥമാക്കി കുട്ടിക്കാനം മരിയൻ കോളേജ് ജീവനക്കാരൻ പ്രസാദ് പി.കെ. രാജ്യത്തിന് അഭിമാനമായി. 4×100 മീറ്റർ റിലേ മത്സരത്തിലാണ് പ്രസാദ് ഉൾപ്പെട്ട ടീം ബ്രോൺസ് മെഡൽ നേടിയത്. മുൻ സൈനികൻ കൂടിയായ ഇദ്ദേഹം അന്താരാഷ്ട്ര തലത്തിൽ കൈവരിക്കുന്ന ഈ നേട്ടം നാടിനാകെ ആവേശമായി മാറിയിരിക്കുകയാണ്.അതിർത്തി കാത്ത കരുത്തിൽ നിന്നും കായിക വേദിയിലേക്ക്കൂട്ടിക്കൽ സെന്റ് ജോർജ് ഹൈസ്കൂളിലെ 1984-85 ബാച്ചിലെ വിദ്യാർത്ഥിയായിരുന്ന പ്രസാദ്, പഠനത്തിന് ശേഷം ഇന്ത്യൻ സൈന്യത്തിൽ ചേർന്നു. 37 വർഷക്കാലം രാജ്യത്തിന്റെ അതിർത്തിയിൽ സേവനമനുഷ്ഠിച്ച ശേഷം വിരമിച്ച അദ്ദേഹം, നിലവിൽ കുട്ടിക്കാനം മരിയൻ കോളേജിലെ സെക്യൂരിറ്റി വിഭാഗത്തിൽ ജോലി ചെയ്തു വരികയാണ്. കഴിഞ്ഞ മൂന്ന് വർഷമായി മാസ്റ്റേഴ്സ് കായിക മേളകളിൽ സജീവമായ പ്രസാദ് ഇതിനോടകം തന്നെ ദേശീയ-അന്തർദേശീയ തലങ്ങളിൽ നിരവധി മെഡലുകൾ വാരിക്കൂട്ടിയിട്ടുണ്ട്.കഠിനാധ്വാനത്തിന്റെ വിജയംരാവിലെ 6 മുതൽ വൈകിട്ട് 6 വരെ നീളുന്ന ജോലി സമയത്തിനിടയിലും കായിക പരിശീലനത്തിനായി പ്രസാദ് സമയം കണ്ടെത്തുന്നു.• പരിശീലനം: ജോലിക്ക് ശേഷം വൈകിട്ട് 6.30 മുതൽ 8 മണി വരെ കുട്ടിക്കാനം മലയോര ഹൈവേയിലാണ് പ്രസാദിന്റെ പ്രധാന പ്രാക്ടീസ്.• പിന്തുണ: മരിയൻ കോളേജിലെ ഫിസിക്കൽ എഡ്യൂക്കേഷൻ കോച്ച് മാർട്ടിൻ പനക്കലിന്റെ കീഴിൽ കോളേജ് ഗ്രൗണ്ടിലും അദ്ദേഹം പരിശീലനം നടത്തുന്നുണ്ട്.പ്രേരണയായത് കോളേജ് അധികൃതർതന്റെ ഈ വിജയങ്ങൾക്ക് പിന്നിൽ മരിയൻ കോളേജ് അധികൃതർ നൽകുന്ന വലിയ പിന്തുണയാണെന്ന് പ്രസാദ് പറഞ്ഞു. കോളേജ് പ്രിൻസിപ്പൽ ഡോ. അജിമോൻ ജോർജ്, ഫാ. തോമസ്, അഡ്മിനിസ്ട്രേഷൻ വിഭാഗത്തിലെ ഫാ. ഷൈജു, ഫാ. സോബി, ഫാ. സിബി, ഫാ. അഖിൽ, ഫാ. ബെന്നി, ഫാ. ജോസ്, ഫാ. അജോ, ചീഫ് സെക്യൂരിറ്റി ഓഫീസർ ജോസഫ് എന്നിവരും അധ്യാപകരും നൽകുന്ന പ്രോത്സാഹനമാണ് അന്താരാഷ്ട്ര തലത്തിൽ മെഡൽ നേടാൻ കരുത്തായതെന്ന് അദ്ദേഹം കൃതജ്ഞതയോടെ ഓർക്കുന്നു.നാടിന്റെയും വിദ്യാലയത്തിന്റെയും പേര് ലോകത്തിന്റെ നെറുകയിൽ എത്തിച്ച പ്രസാദിനെ അഭിനന്ദിക്കാൻ നിരവധി പേരാണ് എത്തുന്നത്.