കൃഷിയ്ക്ക് പ്രാധാന്യം നൽകി വെച്ചൂച്ചിറ ഗ്രാമ പഞ്ചായത്ത് ബഡ്ജറ്റ്

March 2, 2026

വെച്ചൂച്ചിറ : 2026 27 വർഷത്തെ വെച്ചൂച്ചിറ ഗ്രാമപഞ്ചായത്തിന്റെ ബഡ്ജറ്റ് ബഹു പഞ്ചായത്ത് പ്രസിഡണ്ട് ശ്രീമതി രമാദേവി എസ് ന്റെ അധ്യക്ഷതയിൽ വൈസ് പ്രസിഡന്റ് ശ്രീ ഇ വി വർക്കി അവതരിപ്പിച്ചു.ജൈവവളത്തിന് 20 ലക്ഷം രൂപ, കറവപശുക്കളെ നൽകുന്നതിന് 15 ലക്ഷം, മറ്റ് കൃഷിക്ക് 15 ലക്ഷം രൂപയുമാണ് ബഡ്ജറ്റിൽ നീക്കി വെച്ചിട്ടുള്ളത്.കൂത്താട്ടുകുളത്ത് വനിത സമുച്ചയത്തിന് 25 ലക്ഷം രൂപ, കളിസ്ഥലം നിർമ്മിക്കുന്നതിന് 15 ലക്ഷം രൂപ, ഭവന നിർമ്മാണത്തിന് 80 ലക്ഷം രൂപയും , ഭവന മെയിന്റനൻസിന് 45 ലക്ഷം രൂപയും വകയിരുത്തിയിരിക്കുന്നു. കൂടാതെ വയോജനങ്ങളുടെ സമഗ്ര സർവ്വേ നടത്തുന്നതിനും പണം മാറ്റി വെച്ചിട്ടുണ്ട്.എൽ പി സ്കൂളുകളിലെ വിദ്യാർത്ഥികള്ക് ന പ്രഭാത ഭക്ഷണം നൽകുന്നതിന് 15 ലക്ഷം രൂപയും, വയോജന ക്ലബ്ബിന് 1.5 ലക്ഷം രൂപയും വിഭാവനം ചെയ്യുന്ന 326278295/- കോടി രൂപ വരവും 321202900/- കോടി രൂപ ചെലവും 5075395 ലക്ഷം രൂപ മിച്ചവും ഉള്ള ബഡ്ജറ്റിന് അംഗീകാരം നൽകി വികസന സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി റെസി ജോഷി, ക്ഷേമ കാര്യം സ്റ്റാൻഡിങ് കമ്മിറ്റി ചെയർമാൻ ശ്രീ ടി കെ ജയിംസ്, ആരോഗ്യവും , വിദ്യാഭ്യാസവും സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി ബിന്ദു തോമസ് സ്ഥിരം സമിതി അംഗങ്ങളായ ശ്രീ ജോൺ മാത്യു , ശ്രീ ലിനോജ് കണയങ്കൽ, ശ്രീമതി ഷിജിമോൾ ജോസ്, ശ്രീ കെ കെ സോമൻ, ശ്രീമതി അനുമോൾ വർഗീസ്, ശ്രീമതി ലിനി ജയകുമാർ, ശ്രീമതി പ്രിയ സുരേന്ദ്രൻ, അംഗങ്ങളായ ശ്രീമതി രാജി വിജയകുമാർ, ശ്രീമതി മഞ്ജു മോൾ ബാബു, ശ്രീ അഡ്വക്കേറ്റ് അമൽ എബ്രഹാം, ശ്രീ സിറിയക് തോമസ് എന്നിവർ യോഗത്തിൽ പങ്കെടുത്തു. ആസൂത്രണ സമിതി അംഗങ്ങളായ ശ്രീ സുരേഷ് കുമാർ, ശ്രീ കെ വി നാരായണൻ, ശ്രീ ഷാജി തോമസ് എന്നിവർ ബഡ്ജറ്റിനെ സ്വാഗതം ചെയ്തു.