സെന്റർ ഫോർ എയ്റോസ്പേസ് പവർ ആൻഡ് സ്ട്രാറ്റജിക് സ്റ്റഡീസുമായി (CAPSS) സഹകരിച്ച് ദക്ഷിണ വ്യോമസേനാ സംഘടിപ്പിച്ച വാർഷിക മാരിടൈം സെമിനാറിൻ്റെ
രണ്ടാം പതിപ്പ് ഇന്ന് (ഫെബ്രുവരി 02) ദക്ഷിണ വ്യോമസേനാ ആസ്ഥാനത്ത് നടന്നു. ഇന്റഗ്രേറ്റഡ് സ്റ്റാഫ് കമ്മിറ്റി (CISC) മേധാവി എയർ മാർഷൽ അശുതോഷ് ദീക്ഷിത് മുഖ്യാതിഥിയായിരുന്നു. ‘ഇന്ത്യൻ മഹാസമുദ്ര മേഖലയിലെ വ്യോമ പ്രവർത്തനങ്ങൾ മെച്ചപ്പെടുത്തുക’ എന്നതാണ് ഈ സെമിനാറിൻ്റെ പ്രമേയം. ദക്ഷിണ വ്യോമസേനാ മേധാവി എയർ മാർഷൽ മനീഷ് ഖന്ന, മറ്റ് മുതിർന്ന ഉദ്യോഗസ്ഥർമാർ എന്നിവർ പരിപാടിയിൽ പങ്കെടുത്തു.
ഇന്ത്യൻ മഹാസമുദ്ര മേഖലയുടെ വർദ്ധിച്ചുവരുന്ന തന്ത്രപരമായ പ്രാധാന്യവും സേവനങ്ങൾക്കിടയിൽ സംയുക്തത, സാങ്കേതിക സംയോജനം, സുഗമമായ ഏകോപനം എന്നിവയുടെ ആവശ്യകതയും സെമിനാർ ചർച്ച ചെയ്തു. വിവിധ മേഖലകളിലെയും സേവനങ്ങളിലെയും വിദഗ്ധർ സെമിനാറിൽ പങ്കെടുക്കുകയും സമുദ്രമേഖലയിൽ ഉയർന്നുവരുന്ന സുരക്ഷാ വെല്ലുവിളികളെക്കുറിച്ചുള്ള അവരുടെ കാഴ്ച്ചപ്പാടുകൾ അവതരിപ്പിക്കുകയും ചെയ്തു.
