കോട്ടയം: സംസ്ഥാനത്തെ ജില്ലാപഞ്ചായത്ത് വാർഡ് വിഭജന കരട് നിർദ്ദേശങ്ങൾ സംബന്ധിച്ച് പരാതി നൽകിയിട്ടുള്ളവരെ തിരുവനന്തപുരം തൈക്കാട് പി.ഡബ്ള്യൂ.ഡി. റെസ്റ്റ്ഹൗസിൽ ജൂലൈ 31 ന് ഡീലിമിറ്റേഷൻ കമ്മിഷൻ നേരിൽ കേൾക്കും.
31 ന് രാവിലെ 9.30 ന് തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലെ പരാതിക്കാരെയും, രാവിലെ 11 ന് തിരുവനന്തപുരം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലുള്ളവരെയുമാണ് കമ്മിഷൻ നേരിൽ കേൾക്കുന്നത്.
ജില്ലാപഞ്ചായത്ത് കരട് വിഭജന നിർദ്ദേശങ്ങളിൻമേൽ നിശ്ചിത സമയപരിധിക്ക് മുൻപായി ഡീലിമിറ്റേഷൻ കമ്മീഷനോ, ജില്ലാകളക്ടർക്കോ പരാതി നൽകിയിട്ടുള്ളവർ മാത്രം ഹിയറിംഗിന് ഹാജരായാൽ മതി. മാസ് പെറ്റീഷൻ നൽകിയിട്ടുള്ളവരിൽ നിന്ന് ഒരു പ്രതിനിധി മാത്രം പങ്കെടുത്താൽ മതിയാകും.
14 ജില്ലകളിലായി ആകെ 131 പരാതികളാണ് ലഭിച്ചത്. കൊല്ലം ജില്ലയിൽനിന്നു പരാതികളൊന്നും ലഭിച്ചിട്ടില്ല.
Микрокредит до зарплаты — быстро и удобно