കോട്ടയം ജില്ലാതല അറിയിപ്പുകൾ ,ലേലം ,ടെൻഡറുകൾ,വായ്പ ,ക്വട്ടെഷൻ ,അപേക്ഷ ക്ഷണിച്ചു ……

വാഹന ലേലം

കോട്ടയം: ജില്ലാ ജോയിന്റ് രജിസ്ട്രാർ (ജനറൽ) ഓഫീസിലെ ഔദ്യോഗിക വാഹനമായ 2010 മേയ് മോഡൽ ബൊലീറോ മേയ് ഒൻപതു രാവിലെ 11.30ന് സഹകരണ സംഘം രജിസ്ട്രാർ (ജനറൽ) ഓഫീസിൽ വെച്ച് പരസ്യമായി ലേലം/ടെൻഡർ വഴി ലേലം ചെയ്യുന്നതാണ്. സീൽ ചെയ്ത് ടെൻഡർ മേയ് ഒൻപതു രാവിലെ 11 മണി വരെ സ്വീകരിക്കും. വിശദവിവരങ്ങൾക്ക് ഫോൺ: 04812562069,9497754213.

സർട്ടിഫിക്കറ്റ് വിതരണം ചെയ്തു

തിരുവല്ല:  പത്തനംതിട്ട കുന്നന്താനം അസാപ്പ് കമ്മ്യൂണിറ്റി സ്‌കിൽ പാർക്കിൽ പി.എം കെ.വി.വൈ, ഐലൈയ്ക്ക് സ്‌കീമുകളിൽ പഠിച്ച വിവിധ ബാച്ചുകളുടെ സർട്ടിഫിക്കറ്റ് വിതരണം ചെയ്തു. മാത്യു ടി. തോമസ് എം.എൽ.എ. പരിപാടി ഉദ്ഘാടനം ചെയ്തു. മല്ലപ്പള്ളി ബ്ലോക്ക് പഞ്ചായത്ത് പ്രസിഡന്റ് ബാബു കൂടത്തിൽ  അധ്യക്ഷത വഹിച്ചു. കുന്നന്താനം ഗ്രാമ പഞ്ചായത്ത് വൈസ് പ്രസിഡന്റ് പ്രൊഫ. മധുസൂദനൻ നായർ, അസാപ്പ് സി.എസ്.പി സൗത്ത് സോൺ മെന്റർ ബാലു വേണുഗോപാൽ, അസാപ്പ് കമ്മ്യൂണിറ്റി സ്‌കിൽ പാർക്ക് ജൂനിയർ എക്‌സിക്യൂട്ടീവ് ശ്രീലക്ഷ്മി എസ്. നായർ എന്നിവർ പ്രസംഗിച്ചു.  

അഡ്മിഷൻ ആരംഭിച്ചു

കോട്ടയം: കൗൺസിൽ ഫോർ ഫുഡ് റിസർച്ച് ആൻഡ് ഡെവലപ്‌മെന്റിന്റെ ഉടമസ്ഥതയിലുള്ള കോളജ് ഓഫ് ഇൻഡിജനസ് ഫുഡ് ടെക്‌നോളജി (സി.എഫ്.റ്റി. കെ) നടത്തുന്ന ബി.എസ്.സി. ഫുഡ് ടെക്‌നോളജി ആൻഡ് ക്വാളിറ്റി അഷ്വറൻസ് കോഴ്‌സിന്റെ മാനേജ്‌മെന്റ് ക്വാട്ടായിലേക്ക് പ്രവേശനം ആരംഭിച്ചു.വിശദ വിവരങ്ങൾക്ക് www.cfrdkerala.com , www.supplycokerala.com , ഫോൺ  : 0468 2240047, 9846585609, 8281486120, 956214779

കുടുംബശ്രീ സംസ്ഥാന കലാമേള മേയ് 26 മുതൽ അതിരമ്പുഴയിൽ

കോട്ടയം: കുടുംബശ്രീയുടെ സംസ്ഥാന കലാമേളയായ ‘അരങ്ങി’ന്റെ ഭാഗമായിട്ടുള്ള പ്രചാരണ പ്രവർത്തനങ്ങൾ ആരംഭിച്ചു. മേയ് 26, 27, 28 തീയതികളിലായി അതിരമ്പുഴയിലാണ് സംസ്ഥാന കലാമേള സംഘടിപ്പിക്കുന്നത്. കോട്ടയം നോർത്ത് സി.ഡി.എസ്. ചെയർപേഴ്‌സൺ നളിനി ബാലനും അതിരമ്പുഴ സി.ഡി.എസ്.ചെയർപേഴ്‌സൺ ഷബീന നാസറും ചേർന്നാണ് ജില്ലയിലെ ചുവരെഴുത്ത് പ്രവർത്തനങ്ങൾക്ക് തുടക്കം കുറിച്ചത്. കുടുംബശ്രീ ജില്ലാമിഷൻ കോർഡിനേറ്റർ അഭിലാഷ് കെ. ദിവാകർ, അസിസ്റ്റന്റ് ജില്ലാമിഷൻ കോർഡിനേറ്റർ പ്രകാശ് ബി. നായർ, ജില്ലാ പ്രോഗ്രാം മാനേജർമാരായ അനൂപ് ചന്ദ്രൻ, ഇ.എസ്. ഉഷാദേവി, അഞ്ജുഷ വിശ്വനാഥൻ, കെ.ജി. പ്രീതാമോൾ, സി.ഡി.എസ്. അംഗങ്ങൾ എന്നിവർ പ്രചരണ പ്രവർത്തനങ്ങൾക്കു നേതൃത്വം നൽകി.

ക്വട്ടേഷൻ ക്ഷണിച്ചു

കോട്ടയം: പാലാ റസ്റ്റ് ഹൗസ് കാന്റീൻ ഒരു വർഷത്തേയ്ക്ക് പാട്ടവ്യവസ്ഥയിൽ ഏറ്റെടുത്തു നടത്താൻ കാന്റീൻ നടത്തിയോ അവയിൽ ജോലി ചെയ്‌തോ മുൻ പരിചയമുള്ള വ്യക്തികളിൽനിന്ന് ക്വട്ടേഷൻ ക്ഷണിച്ചു. ഒരു വർഷത്തേക്കുള്ള പാട്ടതുക, മേൽ വിലാസം,ഒപ്പ്, ഫോൺ നമ്പർ എന്നിവ രേഖപ്പെടുത്തിയ വെള്ളക്കടലാസിലുള്ള ക്വട്ടേഷനും തിരിച്ചറിയൽ കാർഡിന്റെ പകർപ്പും മുദ്രവച്ച കവറിൽ മേയ് 12 മൂന്ന് മണിക്ക് മുൻപായി അസിസ്റ്റന്റ് എക്‌സിക്യൂട്ടീവ് എൻജിനീയർ, പൊതുമരാമത്ത് വകുപ്പ് കെട്ടിട ഉപ വിഭാഗം, പാലാ എന്ന വിലാസത്തിൽ നൽകണം. അന്നേദിവസം ഉച്ചകഴിഞ്ഞു 3.30ന് ക്വട്ടേഷൻ തുറക്കും. ക്വട്ടേഷനൊപ്പം അസിസ്റ്റന്റ്  എക്‌സിക്യൂട്ടീവ് എഞ്ചിനീയർ, പൊതുമരാമത്ത് വകുപ്പ് കെട്ടിട ഉപവിഭാഗം, പാലാ എന്ന പേരിൽ മാറാവുന്ന 7000 രൂപയുടെ ഡി. ഡി. നിരതദ്രവ്യമായി അടയ്ക്കണം. വിശദ വിവരത്തിന് ഫോൺ: 8086395151.

വായ്പ അപേക്ഷ ക്ഷണിച്ചു

കോട്ടയം: സംസ്ഥാന പിന്നോക്ക വിഭാഗ വികസന കോർപറേഷന്റെ കാഞ്ഞിരപ്പള്ളി ഓഫീസിൽനിന്നു  കാഞ്ഞിരപ്പള്ളി, മീനച്ചിൽ താലൂക്കുകളിൽ താമസിക്കുന്ന പിന്നോക്ക വിഭാഗത്തിലും (ഒ.ബി.സി), മത ന്യൂനപക്ഷത്തിലും (ക്രിസ്ത്യൻ, മുസ്ലിം)ഉൾപ്പെടുന്നവർക്ക് സ്വയം തൊഴിൽ, വീട് അറ്റകുറ്റപ്പണി, വിവാഹം, വിദ്യാഭ്യാസം മുതലായ ആവശ്യങ്ങൾക്കും ഈ വിഭാഗത്തിൽ ഉൾപ്പെടുന്ന ഉദ്യോഗസ്ഥർക്ക് പുതിയ വാഹനം വാങ്ങുന്നതിനും വ്യക്തിഗത ആവശ്യങ്ങൾക്കും കുറഞ്ഞ പലിശ നിരക്കിൽ വായ്പ അനുവദിക്കുന്നു. അപേക്ഷകന്റെ പ്രായപരിധി, വാർഷിക കുടുംബ വരുമാനം എന്നിവയുടെ അടിസ്ഥാനത്തിലാണ് വായ്പ അനുവദിക്കുന്നത്. അപേക്ഷഫോം കോർപ്പറേഷന്റെ കാഞ്ഞിരപ്പള്ളി കുരിശിങ്കൽ ജംഗ്ഷനിലെ ഓഫീസിൽനിന്ന് രാവിലെ പത്ത്  മുതൽ വൈകിട്ട് മൂന്ന് വരെ 30 രൂപ അടച്ച് വാങ്ങാം. വിശദ വിവരത്തിന് ഫോൺ:04828- 203330,293900.
(കെ.ഐ.ഒ.പി.ആർ. 958/2025)

ഇ-ദർഘാസ് ക്ഷണിച്ചു

കോട്ടയം: കാഞ്ഞിരപ്പള്ളി ഐ.ടി.ഡി പ്രൊജക്ട് ഓഫീസിന്റെ നിയന്ത്രണത്തിൽ ഏറ്റുമാനൂരിൽ പ്രവർത്തിക്കുന്ന ഗവൺമെന്റ് മോഡൽ റസിഡൻഷ്യൽ സ്‌കൂളിൽ ചപ്പാത്തി മേക്കിങ് മെഷീൻ സ്ഥാപിക്കുന്നതിന് താല്പര്യമുള്ള അംഗീകൃത സ്ഥാപനങ്ങൾ/ സർക്കാർ ഏജൻസികൾ/ വ്യക്തികൾ എന്നിവരിൽ നിന്നും ഓൺലൈൻ ദർഘാസുകൾ ക്ഷണിച്ചു. ദർഘാസ് പ്രമാണങ്ങളും, ദർഘാസ് ഷെഡ്യൂളുകളും www.etenders.kerala.gov.in എന്ന വെബ്‌സൈറ്റിൽ ലഭ്യമാണ്. ജൂൺ ആറ് വൈകിട്ട് നാലിന് മുൻപായി ദർഘാസുകൾ ഓൺലൈനായി സമർപ്പിക്കണം. അന്നേ ദിവസം 4.30ന് ദർഘാസ് തുറക്കും. വിശദ വിവരത്തിന് ഫോൺ:04828- 202751.

(കെ.ഐ.ഒ.പി.ആർ. 959/2025)

പരീക്ഷതീയതി പ്രഖ്യാപിച്ചു

കോട്ടയം : ഇലക്ട്രിക്കൽ ഇൻസ്പെക്ടറേറ്റ് നടത്തുന്ന വയർമാൻ എഴുത്തുപരീക്ഷ മേയ് എട്ടിന് നാട്ടകം ഗവൺമെന്റ് പോളിടെക്നിക് കോളജിൽ  നടത്തും. പരീക്ഷക്ക് സയന്റിഫിക് കാൽക്കുലേറ്റർ അനുവദിക്കില്ല. സാധാരണ കാൽകുലേറ്റർ ഉപയോഗിക്കാം. ഹാൾ ടിക്കറ്റ് https://samraksha.ceikerala.gov.in എന്ന വെബ്‌സൈറ്റിൽ ലഭ്യമാണ്. വിശദ വിവരങ്ങൾക്ക് ഫോൺ  :0481-2568878.

(കെ.ഐ.ഒ.പി.ആർ. 960/2025)

ഹൈ സെക്യൂരിറ്റി രജിസ്‌ട്രേഷൻ മേയ് പത്തിനകം പൂർത്തിയാക്കണം
കോട്ടയം: 2025 ഏപ്രിൽ 30 വരെ കോട്ടയം ജില്ലയിൽ രജിസ്റ്റർ ചെയ്തിട്ടുള്ള വാഹനങ്ങൾക്ക് ഹൈ സെക്യൂരിറ്റി രജിസ്‌ട്രേഷൻ നമ്പർ പ്ലേറ്റ് 2025 മേയ് പത്തിനകം ഘടിപ്പിച്ചു നൽകണമെന്നും അല്ലാത്തപക്ഷം ഡീലേർസ് ട്രേഡ് സർട്ടിഫിക്കറ്റ് ബ്ലോക്ക് ചെയ്യുമെന്നും റീജണൽ ട്രാൻസ്‌പോർട്ട് ഓഫീസർ കെ. അജിത്കുമാർ അറിയിച്ചു. കോട്ടയം ജില്ലയിലെ വാഹന ഡീലേഴ്‌സ് ഇതൊരറിയിപ്പായി കണക്കാക്കണമെന്നും ആർ.ടി.ഒ. അറിയിച്ചു.