സ്വർണത്തിന് രണ്ടാം ദിവസവും റെക്കോഡ് വില; പ​വ​ന്​ 60,200 രൂ​പ

കൊച്ചി : രണ്ടാം ദിവസവും സ്വർണത്തിന്‍റെ റെക്കോഡ് വിലയിൽ മാറ്റമില്ല. പ​വ​ന്​ 60,200 രൂ​പയിലും ഗ്രാമിന് 7,525 രൂപയിലുമാണ് വ്യാപാരം നടക്കുന്നത്.ബു​ധ​നാ​ഴ്ച ഗ്രാ​മി​ന്​ 75 രൂ​പ​യും പ​വ​ന്​ 600 രൂ​പ​യും വില വ​ർ​ധി​ച്ചാണ് ചരിത്രത്തിൽ ആദ്യമായി റെക്കോർഡിൽ എത്തിയത്. ആദ്യമായാണ് വില പവന് 60,000 രൂപ കടക്കുന്നത്. ഈ മാസത്തെ ഏറ്റവും കൂടിയ വിലയും ഇന്നലെയാണ് രേഖപ്പെടുത്തിയത്.തിങ്കളാഴ്ച പവന് 59,600 രൂപയായിരുന്നു വില. ഈ വില ചൊവ്വാഴ്ചയും തുടർന്നു. ഇതിന് പിന്നാലെയാണ് ബുധനാഴ്ച പവൻ വില റോക്കോഡിലേക്ക് എത്തിയത്.ജനുവരി ഒന്നിന് ഈ മാസത്തെ ഏറ്റവും കുറഞ്ഞ വില രേഖപ്പെടുത്തി. അന്ന് പവന് 57,200 രൂപയും ഗ്രാമിന് 7,150 രൂപയുമായിരുന്നു വില. കഴിഞ്ഞ ഒക്ടോബർ 31നാണ് പവൻ വില 59,640 രൂപ എന്ന റെക്കോഡിൽ എത്തിയത്.