കാഞ്ഞിരപ്പള്ളി : കോഴിക്കോട് നടന്ന സംസ്‌ഥാന യോഗ ചാമ്പ്യൻഷിപ്പിൽ ജൂനിയർ വിഭാഗത്തിൽ കാഞ്ഞിരപ്പള്ളി സെന്റ് ഡൊമിനിക്‌സ്
കോളേജ് കാഞ്ഞിരപ്പള്ളി ഒന്നാം വർഷ കോമേഴ്‌സ് വിദ്യാർത്ഥിനി രേവതി രാജേഷ്
സ്വർണ്ണ മെഡൽ നേടി.എരുമേലി മണിപ്പുഴ ചെമ്പകപ്പാറ കൊച്ചുതുണ്ടിയിൽ രാജേഷ് -രാജി ദമ്പതികളുടെ മകളാണ് രേവതി രാജേഷ് എന്ന കൊച്ചുമിടുക്കി.
വെൺകുറിഞ്ഞി എസ്എൻഡിപി ഹൈസ്‌കൂളിൽ പഠിച്ചിരുന്ന സമയത്ത്
ഡൽഹിയിൽ നടന്ന നാഷണൽ യോഗ ഒളിമ്പ്യാഡിൽ രേവതി ഉൾപ്പെടുന്ന നാലുപേർ അടങ്ങിയ പെൺകുട്ടികളുടെ ടീം ഒന്നാം സ്ഥാനത്ത് എത്തി സ്വർണമെഡൽ നേടിയിരുന്നു .
പരിമിതമായ ജീവിത സാഹചര്യങ്ങളെ മറികടന്ന് ജന്മനാടായ എരുമേലിയുടെയും
കാഞ്ഞിരപ്പള്ളിയുടെയും മാത്രമല്ല, കേരള സംസ്ഥാനത്തിന്റെ അഭിമാനമായി മാറി
കഴിഞ്ഞു ഈ കൊച്ചു മിടുക്കി .
യോഗയിൽ നിരവധി ബഹുമതികൾ ഇതിനോടകം സ്വന്തമാക്കിയിട്ടുള്ള
രേവതിക്ക്‌ മികച്ച പ്രോത്സാഹനം ലഭിച്ചാൽ കൂടുതൽ ഉയർന്ന
വിജയങ്ങളിലേക്കെത്തുമെന്നു അധ്യാപകർ പറയുന്നു .
