കോഴിക്കോട്ട് ജനവാസമേഖലയിൽ ഇറങ്ങിയ കാട്ടുപന്നിയെ വെടിവെച്ചു കൊന്നു

കോഴിക്കോട് : കാരശ്ശേരി മുരിങ്ങാം പുറായി പാലക്കാം പൊയിൽ ഭാഗത്ത് നാട്ടിൽ ഇറങ്ങിയ കാട്ടുപന്നിയെ വെടിവെച്ചു കൊന്നു. രാവിലെ 11 മണിയോടെ മലയിലേക്ക് മടങ്ങിയ പന്നി, 12.30-ഓടെ വീണ്ടും ജനവാസ മേഖലയിലേക്ക് ഇറങ്ങുകയായിരുന്നു.

ജനവാസ മേഖലകളിലൂടെ ഓടി ഏറെനേരം പരി​ഭ്രാന്തി പരത്തിയതോടെയാണ് പന്നിയെ വെടിവെച്ചു കൊന്നത്. കാരശ്ശേരി പഞ്ചായത്ത് എം പാനൽ ഷൂട്ടർ ബാബു പ്ലാക്കാട്ടാണ് പന്നിയെ വെടിവെച്ചത്.ഷൂട്ടറുടെ സഹായികളായ രണ്ടുപേർക്ക് പരിക്കേൽക്കുകയും ചെയ്തു.കാരമൂല കൽപൂർ സ്വദേശി അനൂപിനും രാജനുമാണ് പരിക്കുപറ്റിയത്.അനൂപിന്റെ കൈക്കും രാജന്റെ കാലിനുമാണ് പരിക്ക്.