കോട്ടയം: ശബരിമല അയ്യപ്പസേവാ സമാജത്തിന്റെ 18-ാം സംസ്ഥാന സമ്മേളനം 9, 10 തീയതികളില് ചെങ്ങന്നൂര് വണ്ടിമല ദേവസ്ഥാനം
ഓഡിറ്റോറിയത്തില് നടക്കുമെന്ന് ഭാരവാഹികള് വാര്ത്താസമ്മേളനത്തില്
അറിയിച്ചു.ഒമ്പതിന് സംസ്ഥാന കൗണ്സില് യോഗം പ്രസിഡന്റ് പി.എന്.
നാരായണ വര്മ്മ ഉദ്ഘാടനം ചെയ്യും. പത്തിന് രാവിലെ 9.30ന് പ്രതിനിധി
സമ്മേളനത്തിന്റെ ഉദ്ഘാടനം ആത്മീയ പ്രഭാഷക പ്രൊഫ. സരിത അയ്യര്
നിര്വഹിക്കും. ദേശീയ പ്രസിഡന്റ് എസ്.ജെ.ആര്. കുമാര് മുഖ്യപ്രഭാഷണവും
മാതാ അമൃതാനന്ദമയി മഠത്തിലെ സ്വാമി വേദാമൃതാനന്ദപുരി അനുഗ്രഹ പ്രഭാഷണവും
നടത്തും. സംസ്ഥാന പ്രസിഡന്റ് പി.എന്. നാരായണ വര്മ്മ അധ്യക്ഷനാകും. വൈകിട്ട്
3.30ന് സമാപന സമ്മേളനത്തില് കുമ്മനം രാജശേഖരന് മുഖ്യപ്രഭാഷണം നടത്തും.
സീമാ ജാഗരണ് മഞ്ച് ദേശീയ സംയോജകന് എ. ഗോപാലകൃഷ്ണന്, അയ്യപ്പസേവാ സമാജം
ദേശീയ ജോയിന്റ് ജനറല് സെക്രട്ടറി വിനോദ് കുമാര് എന്നിവര് പ്രഭാഷണം
നടത്തും.
വിവിധ യോഗങ്ങളില് സുബിന് വി. അനിരുദ്ധന്, അക്കീരമണ് കാളിദാസന് ഭട്ടതിരിപ്പാട്, കെ.പി. ഹരിദാസ്, വി.കെ. രാജശേഖരന്, തരണനെല്ലൂര് സതീശന്
നമ്പൂതിരിപ്പാട്, എ.ആര്. മോഹനന്, എ.വി. ശങ്കരന്, ലാല് പ്രസാദ്
ഭട്ടതിരി, അഡ്വ. ജയന് ചെറുവള്ളി, ജയശ്രീ സുരേഷ് തുടങ്ങിയവര്
പ്രസംഗിക്കും. ജില്ല, താലൂക്ക് തലങ്ങളില് നിന്നായി 450 പ്രതിനിധികളാണ്
സമ്മേളനത്തില് പങ്കെടുക്കുന്നത്.വാര്ത്താസമ്മേളനത്തില്
സംസ്ഥാനാധ്യക്ഷന് പി.എന്. നാരായണ വര്മ്മ, സ്വാഗത സംഘം ജനറല് കണ്വീനര്
അഡ്വ. ജയന് ചെറുവള്ളി, കോട്ടയം ജില്ലാ പ്രസിഡന്റ് അഡ്വ. ജി. ശ്രീകുമാര്,
സെക്രട്ടറി ടി.സി. വിജയചന്ദ്രന് എന്നിവര് പരിപാടികള് വിശദീകരിച്ചു.നാമജപ ഘോഷയാത്ര: കേസുകള് പിന്വലിക്കണംകോട്ടയം:
ശബരിമല യുവതീ പ്രവേശ വിരുദ്ധ പ്രക്ഷോഭവുമായി ബന്ധപ്പെട്ട് നാമജപ
ഘോഷയാത്രകളില് പങ്കെടുത്തവരുടെ പേരിലെടുത്ത കള്ളക്കേസുകള്
പിന്വലിക്കാന് സംസ്ഥാനത്ത് അധികാരത്തിലെത്തുന്ന പുതിയ സര്ക്കാര്
തയാറാകണമെന്ന് ശബരിമല അയ്യപ്പസേവാ സമാജം ആവശ്യപ്പെട്ടു. ശബരിമലയിലെ
സ്വര്ണക്കൊള്ളയുടെ അന്വേഷണം സിബിഐയെ ഏല്പ്പിക്കണം. പുതിയ സര്ക്കാരിന്റെ
സത്യപ്രതിജ്ഞക്ക് ശേഷം ചുമതലപ്പെട്ടവരോട് ഇക്കാര്യങ്ങള് ഉന്നയിക്കുമെന്നും
മാധ്യമപ്രവര്ത്തകരുടെ ചോദ്യത്തിന് മറുപടിയായി അയ്യപ്പസേവാ സമാജം
ഭാരവാഹികള് പറഞ്ഞു
Bài review này khá hữu ích vì phần giới thiệu về xn88 app được viết rất dễ hiểu và chi tiết. TONY06-10