കോട്ടയം ജില്ലാ പോലീസ് സമഗ്രമായ തയ്യാറെടുപ്പുകൾ ആരംഭിച്ചു

April 7, 2026

കോട്ടയം :ആസന്നമായിരിക്കുന്ന കേരള നിയമസഭ തിരഞ്ഞെടുപ്പിന്റെ ഭാഗമായി ജില്ലയിലെ സുരക്ഷാ ക്രമീകരണങ്ങളും ഡ്യൂട്ടി വിന്യാസവും ശക്തിപ്പെടുത്തുന്നതിനായി കോട്ടയം ജില്ലാ പോലീസ് സമഗ്രമായ തയ്യാറെടുപ്പുകൾ ആരംഭിച്ചു. ഇതിന്റെ ഭാഗമായി ജില്ലയിലെ മുഴുവൻ ഡിവൈഎസ്പിമാർ, സ്റ്റേഷൻ ഹൗസ് ഓഫീസർമാർ (SHO), സബ് ഇൻസ്പെക്ടർമാർ (SI) എന്നിവർ പങ്കെടുത്ത അവലോകന യോഗം ജില്ലാ പോലീസ് മേധാവി ഷാഹുൽ ഹമീദ് എ. IPS ന്റെ അധ്യക്ഷതയിൽ ചേർന്നു.കോട്ടയം പോലീസ് ക്ലബ്ബിൽ സംഘടിപ്പിച്ച യോഗത്തിൽ തിരഞ്ഞെടുപ്പിനോടനുബന്ധിച്ച് നിയമ-സമാധാന പരിപാലനം ഉറപ്പാക്കുന്നതിനായി തയ്യാറാക്കിയിട്ടുള്ള പോലീസ് സംവിധാനങ്ങളും,മാർഗ്ഗനിർദ്ദേശങ്ങളും ജില്ലാ പോലീസ് മേധാവി വിശദീകരിച്ചു. തിരഞ്ഞെടുപ്പ് ചട്ടങ്ങൾ കർശനമായി പാലിക്കപ്പെടുന്നുവെന്ന് ഉറപ്പാക്കുന്നതിനായി എല്ലാ പോലീസ് ഉദ്യോഗസ്ഥരും ജാഗ്രതയോടെ പ്രവർത്തിക്കണമെന്ന് അദ്ദേഹം ഓർമ്മിപ്പിച്ചു.യോഗത്തിൽ തിരഞ്ഞെടുപ്പ് ഒബ്സർവർമാരായ ശ്രീ. രഞ്ജിത്ത് കുമാർ സിൻഹ IAS, ശ്രീ. ഷാനവാസ് കാസിം IPS എന്നിവർ സന്നിഹിതരായിരുന്നു. അവർ തിരഞ്ഞെടുപ്പ് നടത്തിപ്പുമായി ബന്ധപ്പെട്ട കേന്ദ്ര തെരഞ്ഞെടുപ്പ് കമ്മീഷന്റെ നിർദ്ദേശങ്ങൾ ഉദ്യോഗസ്ഥരോട് വിശദീകരിച്ചു.ജില്ലയിൽ സമാധാനപരവും സുതാര്യവുമായ തിരഞ്ഞെടുപ്പ് ഉറപ്പാക്കാൻ എല്ലാ സംവിധാനങ്ങളും സജ്ജമാണെന്നും, ജനങ്ങൾ ഭയമില്ലാതെ വോട്ട് ചെയ്യുന്നതിനുള്ള അന്തരീക്ഷം സൃഷ്ടിക്കുന്നതിനാണ് പോലീസ് ലക്ഷ്യമിടുന്നതെന്നുംജില്ലാപോലീസ് മേധാവി അറിയിച്ചു