കാഞ്ഞിരപ്പള്ളി: ഇന്ഫാം സില്വര് ജൂബിലി ആഘോഷങ്ങളുടെ ഭാഗമായുള്ള ലീഡേഴ്സ് മീറ്റ് ഇന്ന് (23-1-26, വെള്ളി) ഉച്ചകഴിഞ്ഞ് 2.30 മുതല് കാഞ്ഞിരപ്പള്ളി കത്തീഡ്രല് മഹാജൂബിലി ഹാളില് നടക്കും.കാഞ്ഞിരപ്പള്ളി രൂപതാധ്യക്ഷന് മാര് ജോസ് പുളിക്കലിന്റെ അധ്യക്ഷതയില് ചീഫ് വിപ്പ് ഡോ. എന്. ജയരാജ് ഉദ്ഘാടനം നിര്വഹിക്കും.തലശേരി ആര്ച്ച് ബിഷപ്പും ഇന്ഫാം തലശേരി കാര്ഷികജില്ല രക്ഷാധികാരിയുമായ മാര് ജോസഫ് പാംപ്ലാനി മുഖ്യ പ്രഭാഷണവും ഇന്ഫാം ദേശീയ ചെയര്മാന് ഫാ. തോമസ് മറ്റമുണ്ടയില് ആമുഖ പ്രഭാഷണവും നടത്തും. ഫ്രാന്സിസ് ജോര്ജ് എംപി, കാഞ്ഞിരപ്പള്ളി രൂപത വികാരി ജനറാള് ഫാ. ജോസഫ് വെള്ളമറ്റം, കത്തീഡ്രല് വികാരി ഫാ. കുര്യന് താമരശേരി, കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്റ് പി.എ. ഷെമീര്, ഇന്ഫാം കേരള നോര്ത്തേണ് റീജിയന് ഡയറക്ടര് ഫാ. ജോസ് പെണ്ണാപറമ്പില്, ഇന്ഫാം സംസ്ഥാന ട്രഷറര് ഫാ. തോമസ് തുപ്പലഞ്ഞിയില്, ഇന്ഫാം മഹിളാസമാജ് സെക്രട്ടറി പ്രഫ. സാലിക്കുട്ടി തോമസ് വൈക്കുന്നേല് എന്നിവര് പ്രസംഗിക്കും.ഇന്ഫാമിന്റെ ദേശീയ, സംസ്ഥാന, കാര്ഷികജില്ല, കാര്ഷിക താലൂക്ക്, കാര്ഷിക ഗ്രാമം, കാര്ഷിക യൂണിറ്റ്, മഹിളാസമാജ് ഭാരവാഹികള് ഉള്പ്പെടെ 3000-ാളം പ്രതിനിധികള് ലീഡേഴ്സ് മീറ്റില് പങ്കെടുക്കും.
