തിരുവനന്തപുരം : പട്ടം പോലീസ് സ്റ്റേഷന് മുൻവശത്തുള്ള തെരുവുവിളക്കിലേക്ക് പിക്കപ്പ് വാൻ ഇടിച്ചു കയറി അപകടം. ഇന്ന് പുലർച്ചെ 12:45നാണ് അപകടമുണ്ടായത്.
ഹൈഡ്രോളിക് ഉപകരണത്തിന്‍റെ സഹായത്തോടെ വാഹനത്തിന്‍റെ ഡോർ പൊളിച്ചാണ് ഡ്രൈവറെ പുറത്തെടുത്തത്. കാലുകൾക്ക് പരിക്കേറ്റതിനാൽ പിന്നാലെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
പൊട്ടക്കുഴി ഭാഗത്തേക്ക് വരികയായിരുന്നു വാഹനം. അപകടത്ത തുടർന്ന് ഡ്രൈവർ സുധീഷ് ( 32 ) വാഹനത്തിൽ കുടുങ്ങി. തിരുവനന്തപുരം യൂണിറ്റിൽ നിന്നും ഫയർഫോഴ്സ് എത്തിയാണ് ഇയാളെ രക്ഷപ്പെടുത്തിയത്.