എരുമേലി: എംഇഎസ് കോളജ് ഐക്യുഎസിയുടെയും എൻഎസ്എസ് യൂണിറ്റിന്‍റെയും നേതൃത്വത്തിൽ 29ന് രാവിലെ 9.30 മുതൽ ഉച്ചയ്ക്ക് ഒന്നുവരെ തുമരംപാറ ഗവൺമെന്‍റ് ട്രൈബൽ എൽപി സ്കൂളിൽ സൗജന്യ മെഡിക്കൽ ക്യാമ്പ് നടക്കുമെന്ന് ഭാരവാഹികൾ അറിയിച്ചു.തൊടുപുഴ സ്മിത മെമ്മോറിയൽ ഹോസ്പിറ്റൽ ആൻഡ് റിസർച്ചിന്‍റെ സഹകരണത്തോടെ ജനറൽ മെഡിസിൻ, കാർഡിയോളജി, കാൻസർ വിഭാഗം, അസ്ഥിരോഗ വിഭാഗങ്ങളിലെ വിദഗ്ധ ഡോക്ടർമാർ ക്യാമ്പിൽ സേവനം നൽകും. ഒപ്പം സൗജന്യ ഇസിജി പരിശോധന ഉണ്ടെന്നും സംഘാടകർ അറിയിച്ചു.