വികസിത്‌ ഭാരത് യങ് ലീഡേഴ്‌സ് ക്വിസ്സിന് തുടക്കം : വിജയികൾക്ക് പ്രധാനമന്ത്രിയുമായി സംവദിക്കാൻ അവസരം

തിരുവനന്തപുരം : 2025 സെപ്തംബർ 24

ദേശീയ യുവജനോത്സവത്തിൻ്റെ  ഭാഗമായി  കേന്ദ്ര യുവജന കാര്യ കായിക മന്ത്രാലയം സംഘടിപ്പിക്കുന്ന  വികസിത് ഭാരത് യങ് ലീഡേഴ്സ് ഡയലോഗിൽ യുവതി യുവാക്കൾക്ക്  പ്രധാനമന്ത്രിയുമായി നേരിട്ട് സംവദിക്കാനും ആശയങ്ങൾ പങ്കുവെക്കാനും അവസരം.  മേരാ യുവ ഭാരത് പോർട്ടലിൽ ക്വിസ് മത്സരത്തിന് കേരളത്തിൽ നിന്ന് ഇതു വരെ 16000 തിലധികം പേർ രജിസ്റ്റർ ചെയ്‌തിട്ടുണ്ട്. ക്വിസ് മത്സരത്തിൽ വിജയികളാകുന്നവർക്കു തുടർന്ന് പ്രബന്ധ രചന മത്സരവും പവർ പോയിന്റ് പ്രസന്റേഷൻ മത്സരവും ഉണ്ട് . സംസ്ഥാന തല  മത്സരത്തിൽ വിജയികളാകുന്നവർക്കു 2026 ജനുവരി 10 മുതൽ 12 വരെ നടക്കുന്ന  ദേശീയതല  മത്സരത്തിൽ  പ്രധാനമന്ത്രി നരേന്ദ്ര മോദിയുമായി നേരിട്ട്  സംവദിക്കാൻ  അവസരം ലഭിക്കും. 15 – 29 വയസ്സിന്  ഇടയിലുള്ള  യുവതി യുവാക്കൾക്ക് മത്സരത്തിൽ പങ്കെടുക്കാം. ക്വിസിൽ ആദ്യ 10000 സ്ഥാനത്തിൽ എത്തുന്നവർക്ക് പ്രോത്സാഹന സമ്മാനം ലഭിക്കും. ക്വിസ് മത്സരത്തിൽ പങ്കെടുക്കാൻ താൽപര്യമുള്ളവർ  mybharat.gov.in എന്ന ലിങ്കിൽ ഒക്ടോബർ 15 വരെ രജിസ്റ്റർ ചെയ്യാം. സംശയ നിവാരണത്തിന് 0471-2302042, 9945038684, 9526855487 എന്ന നമ്പറിൽ ബന്ധപ്പെടുക