തിരുവനന്തപുരം : രാത്രി ഒമ്പതിനു ശേഷവും മദ്യം വാങ്ങാനുള്ള നിരയിൽ ആളുണ്ടെങ്കിൽ ഔട്ട്ലെറ്റുകൾ അടയ്ക്കാൻ പാടില്ലെന്ന് വെയർഹൗസ് മാനേജര്‍മാര്‍ക്ക് ബെവ്കോയുടെ നിര്‍ദേശം. വരിയിലെ അവസാനത്തെ ആൾക്കും മദ്യം നൽകിയ ശേഷമേ ഔട്ട്‌ലെറ്റ് അടയ്ക്കാൻ പാടുള്ളു എന്നാണ് ഉത്തരവിൽ പറയുന്നത്. ഷോപ്പ് ഇൻ ചാർജുകൾക്കും നിർദേശം നൽകിയിട്ടുണ്ട്. ഉത്തരവ് വെള്ളിയാഴ്ച മുതല്‍ പ്രാബല്യത്തില്‍ വന്നു.സാധാരണഗതിയില്‍ രാവിലെ 10 മുതല്‍ രാത്രി ഒമ്പതുവരെയാണ് ഔട്ട്‌ലെറ്റുകളുടെ പ്രവര്‍ത്തന സമയം. സംസ്ഥാനത്തെ എല്ലാ ബെവ്കോ ഔട്ട്‌ലെറ്റുകളിലും ഉത്തരവ് ബാധകമാണ് എന്ന് നിര്‍ദേശത്തില്‍ വ്യക്തമാക്കുന്നു. സാദാ ഔട്ട്‌ലെറ്റുകള്‍ക്ക് പുറമേ പ്രീമിയം ഔട്ട്‌ലെറ്റുകള്‍ക്കും ഈ ഉത്തരവ് ബാധകമായിരിക്കും.