എരുമേലി : എരുമേലി സാമൂഹിക ആരോഗ്യ കേന്ദ്രത്തിൽ കിടത്തി ചികിത്സ ആരംഭിച്ചതിന്റെ ഉദ്‌ഘാടനം ആരോഗ്യ-വനിത-
ശിശുക്ഷേമ വകുപ്പ് മന്ത്രി വീണാ ജോർജ് ഓൺലൈനായി നിർവഹിച്ചു
.ആരോഗ്യരംഗത്ത് സാധാരണക്കാരുടെ ആവശ്യങ്ങൾ കണ്ടറിഞ്ഞു നിർവഹിക്കുന്നതിൽ സർക്കാർ ബാധ്യസ്ഥമാണെന്ന് വീണ ജോർജ് പറഞ്ഞു .നിറവേറ്റിയത് ഏറെക്കാലമായുള്ള ജനകീയ ആവശ്യമാണെന്നും അതിൽ ഏറെ സന്തോഷവാനാണെന്നും അധ്യക്ഷത വഹിച്ചു സംസാരിച്ച പൂഞ്ഞാർ എം എൽ എ അഡ്വ .സെബാസ്റ്റ്യൻ കുളത്തുങ്കൽ അഭിപ്രായപ്പെട്ടു . എരുമേലി സാമൂഹിക ആരോഗ്യ കേന്ദ്രം എരുമേലിയിലെയും, സമീപ പഞ്ചായത്തുകളിലെയും
ആകെ ജനങ്ങൾ ആശ്രയിക്കുന്ന ആരോഗ്യ കേന്ദ്രവും ശബരിമല തീർത്ഥാടന കാലത്ത്
ലക്ഷക്കണക്കിന് അയ്യപ്പഭക്തരുടെ ആരോഗ്യ പരിപാലനത്തിനുള്ള ആവശ്യ
കേന്ദ്രവുമാണ്. ഇവിടെ 24 മണിക്കൂറും ചികിത്സാ സൗകര്യവും, അഡ്മിറ്റ് ചെയ്ത്
കിടത്തി ചികിത്സയും ആരംഭിക്കണം എന്നുള്ളത് ഏറ്റവും വലിയ
ആവശ്യവുമായിരുന്നുവെന്ന് എം എൽ എ പറഞ്ഞു . കാഞ്ഞിരപ്പള്ളി ബ്ലോക്ക്
പഞ്ചായത്തിന്റെ സഹകരണത്തോടെ എരുമേലി സാമൂഹ്യ
ആരോഗ്യ കേന്ദ്രത്തിൽ 24 മണിക്കൂർ സേവനവും, കിടത്തി ചികിത്സയും
ആരംഭിച്ചിരിക്കുകയാണ് . ചടങ്ങിൽ പത്തനംതിട്ട എം.പി ആന്റോ ആന്റണി
മുഖ്യപ്രഭാഷണം നടത്തി.കാഞ്ഞിരപ്പള്ളി
ബ്ലോക്ക്പഞ്ചായത്ത് പ്രസിഡന്റ് അജിതാ രതീഷ് . ബ്ലോക്ക് പഞ്ചായത്ത്
സ്ഥിരംസമിതി അധ്യക്ഷൻ ടി. ജെ മോഹനൻ . ജില്ലാ മെഡിക്കൽ ഓഫീസർ ഡോ. എൻ. പ്രിയ ,ജില്ലാ പഞ്ചായത്തംഗം അഡ്വ. ശുഭേഷ് സുധാകരൻ, ഗ്രാമപഞ്ചായത്ത് പ്രസിഡന്റ്
ജിജിമോൾ സജി, ബ്ലോക്ക് പഞ്ചായത്ത് സ്ഥിരംസമിതി അധ്യക്ഷരായ ജയശ്രീ
ഗോപിദാസ്, ബ്ലോക്ക് പഞ്ചായത്തംഗങ്ങളായ എമേഴ്സൺ, അഡ്വ. സാജൻ കുന്നത്ത്,
ജോളി മടുക്കക്കുഴി, ജൂബി അഷ്റഫ്, രത്നമ്മ രവീന്ദ്രൻ, പി. കെ പ്രദീപ്, മാഗി
ജോസഫ്, ജോഷി മംഗലം, ഡാനി ജോസ്, അനു ഷിജു, ഗ്രാമപഞ്ചായത്തംഗം നാസർ പനച്ചി, മഡിക്കൽ ഓഫീസർ ഡോ. പി. റെക്സൺ പോൾ, ബ്ലോക്ക് പഞ്ചായത്ത് സെക്രട്ടറി എസ്. ഫൈസൽ, വിവിധ രാഷ്ട്രീയപാർട്ടി പ്രതിനിധികളായ വി. ഐ അജി, അനിശ്രീ സാബു, ബിനോ ജോൺ ചാലക്കുഴി, അനിയൻ എരുമേലി, നൗഷാദ് കുറുങ്കാട്ടിൽ, സലീം വാഴമറ്റം, ജോസ് പഴയതോട്ടം, മോഹൻകുമാർ, ഉണ്ണിരാജ്, പി. കെ റസാക്ക്, സി. ഡി. എസ് ചെയർപേഴ്സൺ അമ്പിളി സജീവൻ , സംഘടനാ ഭാരവാഹികളായ തോമസ് കുര്യൻ, പി. ജി തോമസ്, സൈനുലാബ്ദീൻ മാളികവീട്, എന്നിവർ പ്രസംഗിച്ചു .
