പ്രതിരോധ പെൻഷൻകാർക്കായി സ്പർഷ് ഔട്ട്റീച്ച് പ്രോഗ്രാം പാങ്ങോട് സൈനിക കേന്ദ്രത്തിൽ ഒക്ടോബർ 16-ന്

തിരുവനന്തപുരം:പ്രതിരോധ പെൻഷൻകാർ/കുടുംബ പെൻഷൻകാർ/പ്രതിരോധ സിവിലിയൻ പെൻഷൻകാർ എന്നിവരുടെ പ്രയോജനത്തിനായി ചെന്നൈയിലെ കൺട്രോളർ ഓഫ് ഡിഫൻസ് അക്കൗണ്ട്‌സിൻ്റെ നേതൃത്വത്തിൽ 2025 ഒക്ടോബർ 16-ന് പാങ്ങോട് കരിയപ്പ ഓഡിറ്റോറിയത്തിൽ സ്പർഷ് ഔട്ട്റീച്ച് പ്രോഗ്രാം സംഘടിപ്പിക്കും. കേരള ഗവർണർ പരിപാടിയുടെ മുഖ്യാതിഥിയായിരിക്കും. ന്യൂഡൽഹിയിലെ കൺട്രോളർ ജനറൽ ഓഫ് ഡിഫൻസ് അക്കൗണ്ട്‌സും ചെന്നൈയിലെ കൺട്രോളർ ഓഫ് ഡിഫൻസ് അക്കൗണ്ട്‌സും പരിപാടിയിൽ പങ്കെടുക്കും.

സ്പർഷിലേക്ക് കുടിയേറിയ എല്ലാ പ്രതിരോധ പെൻഷൻകാർക്കും അവരുടെ എല്ലാ സംശയങ്ങളും ദൂരീകരിക്കാൻ സ്പാർഷ് ഔട്ട്‌റീച്ച് പ്രോഗ്രാം സഹായകരമാകും. സിജിഡിഎ, ഡൽഹി കാന്റ്, പിസിഡിഎ (പെൻഷനുകൾ), പ്രയാഗ്‌രാജ്, ചെന്നൈയിലെ സിഡിഎ, കേരളത്തിലെയും തമിഴ്‌നാട്ടിലെയും സ്പർഷ് സർവീസ് സെന്ററുകൾ, സ്റ്റേറ്റ് ബാങ്ക് ഓഫ് ഇന്ത്യ, കണ്ണൂർ, വെല്ലിംഗ്ടൺ, ബാംഗ്ലൂർ, നാസിക്, ജബൽപൂർ എന്നിവിടങ്ങളിലെ റെക്കോർഡ് ഓഫീസുകൾ, സൈനിക് വെൽഫെയർ വകുപ്പ് എന്നിവിടങ്ങളിൽ നിന്നുള്ള പ്രതിനിധികളും പങ്കെടുക്കുകയും പ്രശ്ന പരിഹാരം നടത്തുകയും ചെയ്യും

തിരുവനന്തപുരം ജില്ലയിലെയും സമീപ ജില്ലകളിലെയും എല്ലാ പ്രതിരോധ പെൻഷൻകാരും കുടുംബ പെൻഷൻകാരും (ഡിഫൻസ് സിവിലിയന്മാരും കമ്മീഷൻഡ് ഓഫീസർമാരും ഉൾപ്പെടെ) അവരുടെ പരാതികൾ പരിഹരിക്കുന്നതിന് ഈ അവസരം ഉപയോഗിക്കണം. വാർഷിക തിരിച്ചറിയലും പ്രൊഫൈൽ അപ്‌ഡേറ്റും ഈ അവസരത്തിൽ നടത്താവുന്നതാണ്.