ന്യൂഡൽഹി : 2025 ആഗസ്ത് 9 1951-ലെ ജനപ്രാതിനിധ്യ നിയമത്തിലെ 29A വകുപ്പിലെ വ്യവസ്ഥകൾ പ്രകാരമാണു രാജ്യത്തെ രാഷ്ട്രീയ കക്ഷികൾ (ദേശീയ/സംസ്ഥാന/RUPP-കൾ) ECI-യിൽ രജിസ്റ്റർ ചെയ്തിട്ടുള്ളത്.
നിലവിൽ, 6 ദേശീയ കക്ഷികളും, 67 സംസ്ഥാന കക്ഷികളും, രജിസ്റ്റർചെയ്തെങ്കിലും അംഗീകൃതമല്ലാത്ത 2854 രാഷ്ട്രീയ കക്ഷികളും (RUPP-കൾ) ECI-യിൽ രജിസ്റ്റർ ചെയ്തിട്ടുണ്ട്. (അനുബന്ധം: ദേശീയ-സംസ്ഥാന കക്ഷികളുടെ പട്ടിക)
രാഷ്ട്രീയ കക്ഷികളുടെ രജിസ്ട്രേഷൻ മാർഗനിർദേശങ്ങളിൽ പറയുന്നത്, ഒരു പാർട്ടി ആറുവർഷത്തേക്കു തുടർച്ചയായി തെരഞ്ഞെടുപ്പുകളിൽ മത്സരിക്കുന്നില്ലെങ്കിൽ, ആ പാർട്ടിയെ രജിസ്റ്റർചെയ്ത പാർട്ടികളുടെ പട്ടികയിൽനിന്നു നീക്കം ചെയ്യുമെന്നാണ്.
കൂടാതെ, 1951-ലെ RP നിയമത്തിലെ 29A വകുപ്പനുസരിച്ച്, രജിസ്ട്രേഷൻ സമയത്തു പാർട്ടികൾ പേര്, വിലാസം, ഭാരവാഹികൾ തുടങ്ങിയ വിശദാംശങ്ങൾ നൽകേണ്ടതുണ്ട്. മാത്രമല്ല, അ‌തിലുണ്ടാകുന്ന മാറ്റങ്ങൾ കാലതാമസംവരുത്താതെ കമ്മീഷനെ അറിയിക്കുകയും വേണം.
നേരത്തെ, 2025 ജൂണിൽ, മുകളിൽ പറഞ്ഞ വ്യവസ്ഥകൾ പാലിക്കുന്നതുമായി ബന്ധപ്പെട്ട്, 345 RUPP-കളുടെ പരിശോധന നടത്താൻ ECI സംസ്ഥാനങ്ങളുടെയും കേന്ദ്രഭരണ പ്രദേശങ്ങളുടെയും CEO-മാർക്കു നിർദേശം നൽകിയിരുന്നു.
CEO-മാർ അന്വേഷണങ്ങൾ നടത്തുകയും ഈ RUPP-കൾക്കു കാരണംകാണിക്കൽ നോട്ടീസ് നൽകുകയും ചെയ്തു. ഓരോ കക്ഷിക്കും പ്രത്യേകം വാദംകേൾക്കലിലൂടെ പ്രതികരിക്കാനും അവരുടെ കേസ് അവതരിപ്പിക്കാനും അവസരവും നൽകി.
തുടർന്ന്, CEO-മാരുടെ റിപ്പോർട്ടുകളുടെ അടിസ്ഥാനത്തിൽ, ആകെയുള്ള 345 RUPP-കളിൽ 334 RUPP-കൾ മുകളിൽ പറഞ്ഞ വ്യവസ്ഥകൾ പാലിക്കുന്നില്ലെന്ന് കണ്ടെത്തി. ശേഷിക്കുന്ന കേസുകൾ പുനഃപരിശോധനയ്ക്കായി CEO-മാർക്കു തിരികെ അയച്ചു.
എല്ലാ വസ്തുതകളും CEO-മാർ നൽകിയ ശുപാർശകളും പരിഗണിച്ച ശേഷം, 334 RUPP-കളെ പട്ടികയിൽനിന്നു കമ്മീഷൻ ഒഴിവാക്കി (ലിങ്ക്: https://www.eci.gov.in/list-of-political-parties). ഇപ്പോൾ, ആകെയുള്ള 2854 RUPP-കളിൽ അ‌വശേഷിക്കുന്നത് 2520 എണ്ണമാണ്. തെരഞ്ഞെടുപ്പു സംവിധാനം ശുദ്ധീകരിക്കുന്നതിനുള്ള തെരഞ്ഞെടുപ്പു കമ്മീഷന്റെ സമഗ്രവും നിരന്തരവുമായ തന്ത്രത്തിന്റെ ഭാഗമാണ് ഈ ഒഴിവാക്കൽ നടപടി.
1951-ലെ RP നിയമത്തിലെ 29B, 29C വകുപ്പുകളിലെ വ്യവസ്ഥകൾക്കൊപ്പം ആദായനികുതി നിയമം, 1968-ലെ തെരഞ്ഞെടുപ്പു ചിഹ്നങ്ങൾ (സംവരണവും അലോട്ട്‌മെന്റും) ഉത്തരവ് എന്നിവയിലെ പ്രസക്തമായ വ്യവസ്ഥകളും ചേർത്തുവായിക്കുമ്പോൾ ഈ RUPP-കൾക്ക് ഇനി ആനുകൂല്യമൊന്നും ലഭിക്കില്ല. ഈ ഉത്തരവിൽ പരാതിയുള്ള ഏതൊരു കക്ഷിക്കും ഉത്തരവു ലഭിച്ച് 30 ദിവസത്തിനുള്ളിൽ കമ്മീഷനിൽ അപ്പീൽ നൽകാം.
അനുബന്ധം
അംഗീകൃത ദേശീയ പാർട്ടികൾ
| ക്രമ നമ്പർ | രാഷ്ട്രീയ പാർട്ടിയുടെ പേര് |
| 1 | ആം ആദ്മി പാർട്ടി |
| 2 | ബഹുജൻ സമാജ് പാർട്ടി |
| 3 | ഭാരതീയ ജനത പാർട്ടി |
| 4 | കമ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ്) |
| 5 | ഇന്ത്യൻ നാഷണൽ കോൺഗ്രസ് |
| 6 | നാഷണൽ പീപ്പിൾസ് പാർട്ടി |
അംഗീകൃത സംസ്ഥാന പാർട്ടികൾ
| ക്രമ നമ്പർ | രാഷ്ട്രീയ പാർട്ടിയുടെ പേര് | ക്രമ നമ്പർ | ക്രമ നമ്പർ |
| 1 | AJSU പാർട്ടി | 2 | അഖിലേന്ത്യ അണ്ണാ ദ്രാവിഡ മുന്നേറ്റ കഴകം |
| 3 | അഖിലേന്ത്യ ഫോർവേഡ് ബ്ലോക്ക് | 4 | അഖിലേന്ത്യ മജ്‌ലിസ്-ഇ-ഇത്തേഹാദുൽ മുസ്ലിമീൻ |
| 5 | അഖിലേന്ത്യ NR കോൺഗ്രസ് | 6 | അഖിലേന്ത്യ തൃണമൂൽ കോൺഗ്രസ് |
| 7 | അഖിലേന്ത്യ യുണൈറ്റഡ് ഡെമോക്രാറ്റിക് ഫ്രണ്ട് | 8 | അപ്നാ ദൾ (സോണിലാൽ) |
| 9 | അസം ഗണ പരിഷത്ത് | 10 | ഭാരത് ആദിവാസി പാർട്ടി |
| 11 | ഭാരത് രാഷ്ട്ര സമിതി | 12 | ബിജു ജനതാദൾ |
| 13 | ബോഡോലാൻഡ് പീപ്പിൾസ് ഫ്രണ്ട് | 14 | സിറ്റിസൺ ആക്ഷൻ പാർട്ടി – സിക്കിം |
| 15 | കമ്യൂണിസ്റ്റ് പാർട്ടി ഓഫ് ഇന്ത്യ | 16 | കമ്യൂണിസ്റ്റ് പാർട്ടി ഓഫ് ഇന്ത്യ (മാർക്സിസ്റ്റ് ലെനിനിസ്റ്റ്) (ലിബറേഷൻ) |
| 17 | ദേശീയ മൂർപ്പോക്ക് ദ്രാവിഡ കഴകം | 18 | ദ്രാവിഡ മുന്നേറ്റ കഴകം |
| 19 | ഗോവ ഫോർവേഡ് പാർട്ടി | 20 | ഹിൽ സ്റ്റേറ്റ് പീപ്പിൾസ് ഡെമോക്രാറ്റിക് പാർട്ടി |
| 21 | ഇന്ത്യൻ നാഷണൽ ലോക്ദൾ | 22 | ഇന്ത്യൻ യൂണിയൻ മുസ്ലീം ലീഗ് |
| 23 | ഇൻഡിജിനസ് പീപ്പിൾസ് ഫ്രണ്ട് ഓഫ് ത്രിപുര | 24 | ജമ്മു-കശ്മീർ നാഷണൽ കോൺഫറൻസ് |
| 25 | ജമ്മു – കശ്മീർ നാഷണൽ പാന്തേഴ്‌സ് പാർട്ടി | 26 | ജമ്മു-കശ്മീർ പീപ്പിൾസ് ഡെമോക്രാറ്റിക് പാർട്ടി |
| 27 | ജനസേന പാർട്ടി | 28 | ജനതാദൾ (സെക്കുലർ) |
| 29 | ജനതാദൾ (യുണൈറ്റഡ്) | 30 | ജനനായക് ജനതാ പാർട്ടി |
| 31 | ജനതാ കോൺഗ്രസ് ഛത്തീസ്ഗഢ് (ജെ) | 32 | ഝാർഖണ്ഡ് മുക്തി മോർച്ച |
| <p class=”ydp1e0b4a51MsoNormal” style=”margin-top:4.9pt;margin-right:0cm;margin-bottom: 0cm;margin-left:4.9pt;margin-bottom:.0001pt;line-height:normal” |
