കരസേനയുടെ ദക്ഷിണ ഭാരത മേഖലയുടെ മേധാവിയായി ലെഫ്റ്റനന്റ് ജനറൽ വി ശ്രീഹരി ചുമതലയേറ്റു

July 31, 2025

തിരുവനന്തപുരം :ലെഫ്റ്റനന്റ് ജനറൽ വി ശ്രീഹരി, എ.വി.എസ്.എം, എസ്.സി, എസ്.എം,ദക്ഷിണ ഭാരത മേഖലയുടെ കമാൻഡിംഗ് ജനറൽ ഓഫീസറായി ചുമതലയേറ്റു.
തമിഴ്നാട്, കർണാടക, കേരളം, ആന്ധ്രാപ്രദേശ്, തെലങ്കാന എന്നീ സംസ്ഥാനങ്ങളും പുതുച്ചേരി, ലക്ഷദ്വീപ് എന്നീ രണ്ട് കേന്ദ്രഭരണ പ്രദേശങ്ങളും ഉൾപ്പെടുന്നതാണ് ദക്ഷിണ ഭാരത മേഖല.

കേരളത്തിലെ മലപ്പുറം ജില്ലയിൽ നടുവത്ത് വില്ലേജ് വണ്ടൂർ കരയിലെ മാമ്പുരക്കൽ പരേതനായ പെറ്റി ഓഫീസർ എം വേലായുധൻ നായരുടെയും (അപ്പുണ്ണി )ശ്രീമതി സുലോചന നായരുടെയും മകനാണ് ജനറൽ ഓഫീസർ. സൈനിക സ്കൂൾ അമരാവതി നഗർ, നാഷണൽ ഡിഫൻസ് അക്കാദമി ഖഡക്വാസല, ഇന്ത്യൻ മിലിട്ടറി അക്കാദമി ഡെറാഡൂൺ എന്നിവയുടെ പൂർവ്വ വിദ്യാർത്ഥിയാണ് അദ്ദേഹം. 1987 ജൂൺ 13ന് 16 സിഖ് ലൈറ്റ് ഇൻഫാൻട്രി ബറ്റാലിയനിൽ കമ്മീഷൻ ചെയ്യപ്പെട്ട അദ്ദേഹം പിന്നീട് 1992 ഓഗസ്റ്റിൽ പാരാ റെജിമെന്റിലേക്ക് പരിവർത്തനം ചെയ്യപ്പെട്ടു.

ജനറൽ ഓഫീസർ വിവിധ റെജിമെന്റൽ, പ്രബോധന, സ്റ്റാഫ്, കമാൻഡ് നിയമനങ്ങൾ എന്നിവ നടത്തിയിട്ടുണ്ട്. രാജ്യത്തിന്റെ വടക്കൻ, കിഴക്കൻ, തെക്കൻ ഭാഗങ്ങളിലും വിദേശത്തുള്ള യുഎൻ ദൗത്യത്തിലും സേവനമനുഷ്ഠിച്ച പരിചയമുണ്ട് അദ്ദേഹത്തിന്. ഓപ്പറേഷൻ രക്ഷക്കിൽ പാരാ സ്പെഷ്യൽ ഫോഴ്സ് ബറ്റാലിയൻ, സിയാച്ചിൻ ഗ്ലേസിയറിലെ ബേസ് ക്യാമ്പ്, സ്ട്രൈക്ക് കോർപ്സിലെ ഇൻഫൻട്രി ബ്രിഗേഡ്, വടക്കുകിഴക്കൻ മേഖലയിലെ മൗണ്ടൻ ഡിവിഷൻ എന്നിവയുടെ കമാൻഡറായി അദ്ദേഹം പ്രവർത്തിച്ചു. ബെൽഗാമിലെ ജൂനിയർ ലീഡേഴ്സ് വിംഗിലെ ഇൻസ്ട്രക്ടറും വെല്ലിംഗ്ടണിലെ ഡിഫൻസ് സർവീസസ് സ്റ്റാഫ് കോളേജിലെ ഡയറക്റ്റിംഗ് സ്റ്റാഫും സീനിയർ ഇൻസ്ട്രക്ടറും അദ്ദേഹത്തിന്റെ പ്രബോധന നിയമനങ്ങളിൽ ഉൾപ്പെടുന്നു. ഡെമോക്രാറ്റിക് റിപ്പബ്ലിക് ഓഫ് കോംഗോയിലെ ഐക്യരാഷ്ട്ര സംഘടനയുടെ ദൌത്യത്തിലെ സ്റ്റാഫ് ഓഫീസർ, ജനറൽ സ്റ്റാഫ് ഓഫീസർ, സൈനിക പരിശീലനം16 (വിദേശ പരിശീലനം) എന്നിവ അദ്ദേഹത്തിന്റെ സ്റ്റാഫ് നിയമനങ്ങളിൽ ഉൾപ്പെടുന്നു. പുതുതായി ഉയർത്തിയ മൌണ്ടൻ ഡിവിഷന്റെ കേണൽ ജനറൽ സ്റ്റാഫ്, മിലിട്ടറി സെക്രട്ടറിയുടെ ബ്രാഞ്ചിൽ കേണൽ മിലിട്ടറി സെക്രട്ടറി, ഡെപ്യൂട്ടി ഇൻസ്പെക്ടർ ജനറൽ (പേഴ്സണൽ) ഹെഡ്ക്വാർട്ടേഴ്സ് ഡയറക്ടറേറ്റ് ജനറൽ ഓഫ് അസം റൈഫിൾസ്, ബ്രിഗേഡിയർ ജനറൽ സ്റ്റാഫ് ഡിഫൻസ് സർവീസസ് സ്റ്റാഫ് കോളേജ് വെല്ലിംഗ്ടൺ, മേജർ ജനറൽ (ജനറൽ സ്റ്റാഫ്) ഹെഡ്ക്വാർട്ടേഴ്സ് ഈസ്റ്റേൺ കമാൻഡ്. ഡയറക്ടർ ജനറൽ റിക്രൂട്ടിംഗ് & ഡയറക്ടർ ജനറൽ മാൻപവർ പ്ലാനിംഗ് & പേഴ്സണൽ സർവീസസ് പ്രതിരോധ മന്ത്രാലയത്തിന്റെ (കരസേന) സംയോജിത ആസ്ഥാനത്ത്
കൗണ്ടർ ഇൻസർജൻസി & ജംഗിൾ വാർഫെയർ കോഴ്സ്, ഡിഫൻസ് സർവീസസ് സ്റ്റാഫ് കോഴ്സ്, ഹയർ ഡിഫൻസ് മാനേജ്മെന്റ് കോഴ്സ്, നാഷണൽ ഡിഫൻസ് കോളേജ് എന്നിവയാണ് ഓഫീസർ പങ്കെടുത്ത പ്രധാന കോഴ്സുകൾ. മദ്രാസ് സർവകലാശാലയിൽ നിന്നുള്ള എംഎസ്സി ഡിഫൻസ് സ്റ്റഡീസ്, ഉസ്മാനിയ സർവകലാശാലയിൽ നിന്നുള്ള മാസ്റ്റേഴ്സ് ഇൻ മാനേജ്മെന്റ് സ്റ്റഡീസ്, മദ്രാസ് സർവകലാശാലയിൽ നിന്നുള്ള എംഫിൽ എന്നിവ അദ്ദേഹത്തിന്റെ സിവിൽ യോഗ്യതകളിൽ ഉൾപ്പെടുന്നു.

ജനറൽ ഓഫീസർക്ക് 1998 ൽ ശൗര്യ ചക്ര അവാർഡും 2021 ൽ 31 ആർആർ (കമാൻഡോ) സേന മെഡലും (വിശിഷ്ട സേവനങ്ങൾ) 2023 ൽ അതി വിശിഷ്ട് സേവാ മെഡലും ലഭിച്ചു. 2009ൽ ചീഫ് ഓഫ് ഇന്റഗ്രേറ്റഡ് സ്റ്റാഫ് കമ്മിറ്റി കമൻഡേഷൻ കാർഡും 2013ൽ ചീഫ് ഓഫ് ആർമി സ്റ്റാഫ് കമൻഡേഷൻ കാർഡും അദ്ദേഹത്തിന് ലഭിച്ചിട്ടുണ്ട്.