കേ​ര​ള ഡി​ജി​റ്റ​ൽ, സാ​ങ്കേ​തി​ക സ​ർ​വ​ക​ലാ​ശാ​ല​ക​ളി​ൽ താ​ത്കാ​ലി​ക വി​സി​മാ​രെ നിയമിച്ചത് തടഞ്ഞു കൊണ്ട് ഹൈക്കോടതി

കൊ​ച്ചി: കേ​ര​ള ഡി​ജി​റ്റ​ൽ, സാ​ങ്കേ​തി​ക സ​ർ​വ​ക​ലാ​ശാ​ല​ക​ളി​ൽ താ​ത്കാ​ലി​ക വി​സി​മാ​രെ നി​യ​മി​ച്ച ഗ​വ​ർ​ണ​ർ​ക്ക് തി​രി​ച്ച​ടി. ഈ ​സ​ർ​വ​ക​ലാ​ശാ​ല​ക​ളി​ൽ സ​ർ​ക്കാ​ർ പാ​ന​ലി​ൽ നി​ന്ന​ല്ലാ​തെ താ​ത്കാ​ലി​ക വി​സി​മാ​രെ നി​യ​മി​ച്ച ഗ​വ​ർ​ണ​റു​ടെ ന​ട​പ​ടി നേ​ര​ത്തെ ഹൈ​ക്കോ​ട​തി സിം​ഗി​ൾ ബെ​ഞ്ച് ത​ള്ളി​യി​രു​ന്നു.

ഇ​തി​നെ​തി​രെ ഗ​വ​ർ​ണ​ർ ന​ൽ​കി​യ അ​പ്പീ​ൽ ഡി​വി​ഷ​ൻ ബെ​ഞ്ച് ത​ള്ളി. ജ​സ്റ്റീ​സു​മാ​രാ​യ അ​നി​ൽ കെ.​ന​രേ​ന്ദ്ര​ൻ, പി.​വി.​ബാ​ല​കൃ​ഷ്ണ​ൻ എ​ന്നി​വ​രു​ടെ ബെ​ഞ്ചാ​ണ് ഉ​ത്ത​ര​വ് പു​റ​പ്പെ​ടു​വി​ച്ച​ത്. ഇ​തോ‌​ടെ കേ​ര​ള സാ​ങ്കേ​തി​ക സ​ർ​വ​ക​ലാ​ശാ​ല വിസി ഡോ.കെ.ശി​വ​പ്ര​സാ​ദും ഡി​ജി​റ്റ​ല്‍ സ​ര്‍​വ​ക​ലാ​ശാ​ല വി​സി​ ഡോ. ​സി​സ തോ​മ​സും പു​റ​ത്താ​കും.

ആ​രി​ഫ് മു​ഹ​മ്മ​ദ് ഖാ​ൻ ഗ​വ​ർ​ണ​റാ​യി​രു​ന്ന​പ്പോ​ഴാ​യി​രു​ന്നു ഈ ​നി​യ​മ​നം. ഇ​രു സ​ർ​വ​ക​ലാ​ശാ​ല​ക​ളി​ലും പു​തി​യ വൈ​സ് ചാ​ൻ​സ​ല​റെ ക​ണ്ടെ​ത്താ​ൻ സ​ർ​ക്കാ​ർ പാ​ന​ൽ ന​ൽ​കി​യെ​ങ്കി​ലും ഗ​വ​ർ​ണ​ർ ഡോ. ​ശി​വ​പ്ര​സാ​ദി​നെ​യും ഡോ. ​സി​സ തോ​മ​സി​നേ​യും നി​യ​മി​ക്കു​ക​യാ​യി​രു​ന്നു.

സ​ര്‍​ക്കാ​ര്‍ ന​ല്‍​കി​യ പാ​ന​ലി​ന് പു​റ​ത്തു​നി​ന്നാ​യി​രു​ന്നു ചാ​ന്‍​സ​ല​റു​ടെ താ​ത്കാ​ലി​ക വി​സി നി​യ​മ​ന​മെ​ന്നും ഇ​ത് സ​ര്‍​വ​ക​ലാ​ശാ​ല നി​യ​മ​ങ്ങ​ളു​ടെ ലം​ഘ​ന​മാ​ണ് എ​ന്നു​മാ​ണ് സ​ർ​ക്കാ​ർ വാ​ദി​ച്ച​ത്. താ​ത്കാ​ലി​ക വി​സി​മാ​രു​ടെ കാ​ലാ​വ​ധി ആ​റ് മാ​സ​ത്തി​ൽ കൂ​ടു​ത​ലാ​ക​രു​തെ​ന്ന് ഡി​വി​ഷ​ൻ ബ​ഞ്ച് നി​ർ​ദേ​ശി​ച്ചു.

വി​ദ്യാ​ർ​ഥി​ക​ളു​ടെ താ​ത്പ​ര്യ​ങ്ങ​ളെ പ്ര​തി​കൂ​ല​മാ​യി ബാ​ധി​ക്കു​മെ​ന്നും സ്ഥി​രം വി​സി നി​യ​മ​ന​ത്തി​ലെ കാ​ല​താ​മ​സം സ​ർ​വ​ക​ലാ​ശാ​ല ന​ട​പ​ടി​ക​ളെ പ്ര​തി​കൂ​ല​മാ​യി ബാ​ധി​ക്കു​മെ​ന്നും ഡി​വി​ഷ​ൻ ബെ​ഞ്ച് ചൂ​ണ്ടി​ക്കാ​ട്ടി.