തിരുവനന്തപുരം : 2024 ഡിസംബർ 17കേന്ദ്ര
ആഭ്യന്തര മന്ത്രാലയത്തിനു കീഴിൽ തിരുവനന്തപുരം പള്ളിപ്പുറത്തുള്ള സി ആർ പി
എഫ് ഗ്രൂപ്പ് സെന്ററിൽ പെൻഷൻ അദാലത്തും കുടുംബക്ഷേമ ദിനവും
സംഘടിപ്പിക്കുന്നു. 2024 ഡിസംബർ 24 ന് രാവിലെ 11 ന് നടക്കുന്ന വെൽഫെയർ
ആൻഡ് റീഹാബിലിറ്റേഷൻ ബോർഡ് യോഗത്തിൽ പള്ളിപ്പുറം ഗ്രൂപ്പ് സെന്റർ ഡി ഐ
ജി പി ശ്രീ വിനോദ് കാർത്തിക് അധ്യക്ഷത വഹിക്കും. വിരമിച്ച സിഎപിഎഫ്, അസം
റൈഫിൾസ് ഉദ്യോഗസ്ഥരുടെ പരാതികൾ യോഗം പരിഗണിക്കും. വിരമിച്ച
സിആർപിഎഫ് ഉദ്യോഗസ്ഥർക്കുള്ള പെൻഷൻ അദാലത്ത് ,കുടുംബക്ഷേമ ദിനം,
എന്നിവയ്ക്കൊപ്പം സിആർപിഎഫിലെ വീരമൃത്യു വരിച്ച ജവാന്മാരുടെ അടുത്ത
ബന്ധുക്കളും ഡി ഐ ജിയുമായുള്ള ആശയവിനിമയവും തുടർന്നു നടക്കും. സംസ്ഥാനത്തെ
വിരമിച്ച സിഎപിഎഫ്/അസാം റൈഫിൾസ് ഉദ്യോഗസ്ഥർക്ക് പരിപാടിയിൽ പങ്കെടുക്കാം.