കോഴിക്കോട്: ചലചിത്ര നടൻ മേഘനാഥൻ (60) അന്തരിച്ചു. കോഴിക്കോട്ടെ സ്വകാര്യ ആശുപത്രിയിൽവച്ചായിരുന്നു അന്ത്യം.ശ്വാസകോശ സംബന്ധമായ അസുഖത്തെ തുടർന്ന് ചികിത്സയിലായിരുന്നു. സംസ്കാരം ഷൊർണൂരിലെ വീട്ടിൽ നടക്കും. മലയാള ചലചിത്ര മേഖലയ്ക്ക് വേറിട്ട നിരവധി കഥാപാത്രങ്ങളെ സമ്മാനിച്ച നടനാണ് മേഘനാഥൻ.വില്ലൻ വേഷങ്ങളിലൂടെയായിരുന്നു അദ്ദേഹം ശ്രദ്ധേയനായത്. തമിഴ് സിനിമയിലും അദ്ദേഹം നിരവധി വേഷങ്ങൾ അവതിരിപ്പിച്ചിട്ടുണ്ട്. നടൻ ബാലൻ കെ. നായരുടെ മകനാണ് മേഘനാഥൻ.ചെങ്കോൽ, ഈ പുഴയും കടന്ന് തുടങ്ങി 50-ലധികം ചിത്രങ്ങളിൽ അഭിനയിച്ചു.1983-ൽ പുറത്തിറങ്ങിയ അസ്ത്രമാണ് ആദ്യചിത്രം.
