തിരുവനന്തപുരം: തെക്കുപടിഞ്ഞാറൻ കാലവർഷം മൂന്നുദിവസത്തിനകം പൂർണമായി പിൻവാങ്ങുമെന്ന് കാലാവസ്ഥാവകുപ്പ്. ഈ ദിവസങ്ങൾക്കകം വടക്കുകിഴക്കൻ കാലവർഷം (തുലാവർഷം) എത്തും. കേരളത്തിൽ 17 വരെ ശക്തമായ മഴയുണ്ടാവുമെന്നാണ് പ്രവചനം. ഇന്ന് ഇടുക്കി, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ ജില്ലകളിൽ മഞ്ഞ മുന്നറിയിപ്പ് നൽകി. ചൊവ്വാഴ്ച ഇടുക്കി, പാലക്കാട്, മലപ്പുറം, കോഴിക്കോട്, വയനാട് ജില്ലകളിലും. 17-ന് കണ്ണൂരും കാസർകോട്ടും തീവ്രമഴയ്ക്കുള്ള ഓറഞ്ച് മുന്നറിയിപ്പ് നൽകി.