ബംഗളൂരു: ബംഗളൂരു സിറ്റി റെയിൽവെ സ്റ്റേഷനിൽനിന്ന് മംഗളൂരു വഴി കണ്ണൂർ വരെ സർവിസ് നടത്തിയിരുന്ന കെ.എസ്.ആർ ബംഗളൂരു- കണ്ണൂർ-കെ.എസ്.ആർ ബംഗളൂരു എക്സ്പ്രസ് (16511/16512) കോഴിക്കോട്ടേക്ക് നീട്ടി. ഇതു സംബന്ധിച്ച കത്ത് റെയിൽവേ മന്ത്രാലയം ദക്ഷിണ പശ്ചിമ റെയിൽവേ, ദക്ഷിണ റെയിൽവേ അധികൃതർക്ക് കൈമാറി.സൗകര്യപ്രദമായ ഏറ്റവുമടുത്ത തീയതിയിൽ സ്റ്റേഷൻ മാറ്റം പ്രാബല്യത്തിൽ വരുത്തണമെന്നാണ് നിർദേശം. അടുത്ത തീയതിയിൽ മാറ്റം നടപ്പാകുമെന്ന് പ്രതീക്ഷിക്കുന്നു. ഇതോടെ ഈ ട്രെയിൻ കെ.എസ്.ആർ ബംഗളൂരു-കോഴിക്കോട് എക്സ്പ്രസ് (16511), കോഴിക്കോട്-കെ.എസ്.ആർ ബംഗളൂരു എക്സ്പ്രസ് (16512) എന്ന പേരിലാകും സർവിസ് നടത്തുക.കെ.എസ്.ആർ ബംഗളൂരു-കോഴിക്കോട് എക്സ്പ്രസ് (16511) എല്ലാ ദിവസവും രാത്രി 9.35ന് കെ.എസ്.ആർ ബംഗളൂരുവിൽനിന്ന് പുറപ്പെട്ട് യശ്വന്ത്പുർ (9.45), കുനിഗൽ (10.44), ശ്രാവണ ബെലഗോള (11.31), ഹാസൻ ( രാത്രി 12.35), മംഗളൂരു ജങ്ഷൻ (പുലർച്ചെ 6.50), കാസർക്കോട് (രാവിലെ 8.21) കണ്ണൂർ (10.55) വഴി ഉച്ചക്ക് 12.40നാണ് കോഴിക്കോട്ടെത്തുക. കോഴിക്കോടിനും കണ്ണൂരിനുമിടയിൽ തലശ്ശേരി, വടകര, കൊയിലാണ്ടി എന്നിവിടങ്ങളിൽ സ്റ്റോപ്പുണ്ടാകും.കോഴിക്കോടുനിന്ന് വൈകീട്ട് 3.30ന് പുറപ്പെടുന്ന കണ്ണൂർ (5.05), കാസർകോട് (6.13), മംഗളൂരു ജങ്ഷൻ (8.25), സുബ്രഹ്മണ്യ റോഡ് (10.10), ഹാസൻ (പുലർച്ച 2.50), ശ്രാവണബെലഗോള (3.30), കുനിഗൽ (4.19), യശ്വന്ത്പുർ (6.02) വഴി 6.35ന് കെ.എസ്.ആർ ബംഗളൂരുവിലെത്തും.
കെ.എസ്.ആർ ബംഗളൂരു-കണ്ണൂർ എക്സ്പ്രസ് ഇനി മുതൽ കോഴിക്കോട്ടെത്തും
RELATED ARTICLES